Estamos homologados para impartir certificados de profesionalidade

Os certificados de profesionalidade enmárcanse dentro do Sistema Nacional de Cualificacións e Formación Profesional, polo que son recoñecidos polo Ministerio de Educación mediante a convalidación de módulos correspondentes aos títulos de Formación Profesional.

Acreditan o conxunto de competencias profesionais que capacitan para o desenvolvemento dunha actividade laboral identificable no sistema produtivo.

Teñen carácter oficial e validez en todo o territorio nacional. Son expedidos polo SEPE (Servizo Público de Emprego Estatal) e as Comunidades Autónomas.

Posuír un certificado de profesionalidade completa un currículo profesional; ao ser un documento oficial que pode ser valorado en calquera proceso de selección convocado polas Administracións Públicas ou a empresa privada. Para o traballador/a que non ten outra titulación pero si coñecementos e experiencia profesional, pode abrirlle a porta do mercado laboral..

Os certificados de profesionalidade constan de tres niveis de cualificación profesional, sendo 1 o máis básico e 3 o máis complexo.

Ver información dos certificados

Formación a Consellos Reitores 2026

En virtude do Convenio entre Cooperativas Agro-alimentarias de España e o Ministerio de Agricultura, Pesca e Alimentación —e co financiamento do devandito Ministerio a través do Real Decreto de concesión directa de diversas subvencións en materia agroalimentaria e pesqueira para 2026, por importe de 1 171 162,50 €— arrinca o programa de actuacións 2026 para a formación, igualdade e relevo xeracional de consellos reitores, con varios obxectivos que poden consultarse na seguinte ligazón:

Máis información

Uso da información xeográfica en cooperativas agroalimentarias en contorno ARCGIS HUB

En virtude da execución de accións de formación non regrada e adquisición de competencias en dixitalización dentro do paquete de dixitalización promovido polo Ministerio de Agricultura, Pesca e Alimentación, Cooperativas Agro-alimentarias de España pon en marcha este programa de formación, a través de AGACA.

Vai dirixido aos servizos agronómicos das cooperativas agroalimentarias, así como a profesionais que traballen nas Federacións e Unións Territoriais (FUTs). A realizacion do curso permitirá o acceso posterior da cooperativa a unha licenza de acceso ao sistema SIGCEX e ao Caderno de Explotación.

Máis información

CULTIVA: estadías formativas para persoas mozas en explotacións modelo

Programa CULTIVA. Programa de Estadías Formativas de Xuventude Agricultora en Explotacións Modelo ofrece estadías gratuítas de 5 a 14 días, en explotacións de España.

O período de solicitude abarca do 19 de agosto ao 15 de setembro de 2026.

Diríxese a persoas menores de 41 anos incorporadas á actividade agraria como titulares de explotación e tamén, en determinadas circunstancias, a maiores desa idade.

É unha iniciativa fianciada e desenvolvida polo Ministerio de Agricultura, Pesca e Alimentación (MAPA).

Máis información

“Profesionalizarse para ser eficiente e competitivo é doado aproveitando as oportunidades formativas”.