- O 25 de xuño terá lugar a décima sesión do ciclo 2026 Xornadas formativas sobre oportunidades de negocio, co título “Froitos do bosque en Galicia: o potencial das berries”.
- A inscrición é gratuíta. Para inscribirse é necesario completar este formulario.
O 25 de xuño de 2026 terá lugar a xornada ‘Froitos do bosque en Galicia: o potencial das berries’, de 09:30 a 14:30 horas. A sesión contén un bloque dedicado á agronomía, acerca do necesario para iniciar un cultivo de froitos do bosque, e outro dedicado a poscolleita, transformación e comercialización de froitos do bosque, ademais de dar a oportunidade ao público para que interactúe cos relatores.
A diferenza doutros cultivos sen tradición no territorio, Galicia xa conta cunha traxectoria real neste sector: plantacións en activo, empresas pioneiras con décadas de experiencia e unha rede crecente de pequenos produtores organizados. Esta xornada pretende capitalizar ese coñecemento acumulado e trasladalo ao tecido cooperativo galego como modelo replicable e escalable.
O clima atlántico galego —húmido, tépedo e con chans acedos— é unha vantaxe competitiva real para os froitos do bosque: permite producións de verán e outono cando o mercado europeo ten escaseza de oferta e os prezos son máis altos. A xornada analiza especie a especie as condicións agronómicas, os sistemas de produción, a poscolleita e as claves reais de acceso ao mercado.
Programa previsto
BLOQUE I. APERTURA E CONTEXTO SECTORIAL. 09:30 – 10:20 h
09:30 – Conexión e benvida a participantes. Presentación da xornada
Carlos Ares. Director-gerente de AGACA
09:45 – Os froitos do bosque en Galicia: situación actual, evolución do sector e claves do éxito atlántico
Ramiro Touceda. Berries Galicia / Río Ulla SAT
BLOQUE II. AS ESPECIES: AGRONOMÍA E SISTEMAS DE PRODUCIÓN. 10:20 – 11:50 h
10:20 – O arando en Galicia: variedades, solo e manexo en produción convencional e ecolóxica
Bio Fruit Farmers / Horticina
10:55 – Fresa, framboesa e mora: sistemas de produción intensiva baixo plástico para o mercado de verán e outono
Ángel Borrajo. Produtor de arandos
11:50 – 12:05 – Desanso
BLOQUE III. AGRONOMÍA APLICADA: IMPLANTACIÓN E MANEXO EN GALICIA. 12:05 – 13:05 h
12:05 – Como iniciar un cultivo de froitos do bosque en Galicia: decisións clave antes de plantar
Juan Carlos García. Arándanos el Cierrón Consulting & Nursery Berries
BLOQUE IV. POSCOLLEITA, TRANSFORMACIÓN E COMERCIALIZACIÓN. 13:05 – 14:10 h
13:05 – Poscolleita e transformación de froitos do bosque: calidade, conservación e produtos derivados
Javier Agrelo. Biofruit Galicia
13:40 – Como vender froitos do bosque: mercados, prezos e acceso a canles desde Galicia
Víctor Fernández. La Fontona S.L.
PECHE DA XORNADA. 14:10 – 14:30 h
14:10 – Mesa aberta de debate: preguntas e comentarios
14:25 – Conclusións e peche da xornada
Carmen Rodríguez. Presidenta de AGACA
XORNADAS FORMATIVAS SOBRE OPORTUNIDADES DE NEGOCIO
O ciclo, que explorará diferentes sectores que poden supor oportunidades de negocio, ten como obxectivos: explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado, promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio, impulsar a xeración de emprego cooperativo nos procesos de produción agraria e/ou gandeira e fomentar a fixación de poboación no rural na contorna das cooperativas.
As xornadas, de acceso libre previa inscrición, están especialmente dirixidas a persoas socias de cooperativas agroalimentarias, persoas vinculadas á economía social, produtoras e produtores agrarios, persoal técnico e investigador, estudantes e público en xeral.
Para máis información pode chamar ao 981 58 47 83.
Esta actividade enmárcase no programa da Rede Eusumo. A Rede Eusumo é unha rede de colaboración impulsada pola Dirección Xeral de Traballo Autónomo e Economía Social, da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.
