- O 12 de xullo, de 09:00 a 17:30, terá lugar xornada Sostibilidade, Pegada de Carbono e Pegada Hídrica na produción de leite.
- Quen desexe asistir, debe confirmar a participación chamando ao 981 58 47 83 ata o día 8 de xullo.
O hotel OCA Puerta del Camino acollerá o 12 de xullo a xornada Sostibilidade, Pegada de Carbono e Pegada Hídrica na produción de leite, organizada por AGACA para mostrar os resultados do proxecto Mellora da competitividade das explotacións de gando vacún leiteiro mediante asesoramento para a redución da pegada de carbono e a pegada hídrica, que comezou en 2018 e analizou 100 granxas galegas. Nos traballos de análise participou a Universidade de Santiago de Compostela.
A xornada comeza ás 09:00 e o primeiro relatorio centrarase na presentación das cálculos da pegada de carbono e a pegada hídrica das explotacións participantes no proxecto, a cargo de Gumersindo Feijóo, catedrático de Enxeñería Química da Universidade de Santiago de Compostela.
Outras das intervencións son:
11:15 – 12:00h. A agrosilvicultura como clave para manter e mellorar o carbono orgánico no chan, xunto coa medición e posta en valor dos pasteiros, por María Rosa Mosquera (catedrática de produción vexetal da USC.
12:00 – 12:45h. Carbon farming, mellores técnicas dispoñibles e posibles ferramentas para controlar pegada de carbono no sector lácteo, por Victorio M. Colado (director de Gandería de Cooperativas Agro-alimentarias de España).
16:00 – 16:30h. Cambio climático e gandería en Galicia: previsión, sistemas de cálculo e evolución regulamentaria da pegada de carbono, por María Luz Macho (subdirectora xeral de Meteoroloxía e Cambio Climático, da Consellería do Medio Rural, Territorio e Vivenda).
16:30 – 17:15h. Caso RUMITECH, certificado por Carbon Trust, e outras estratexias para reducir pegada de carbono. A importancia da fermentación entérica, por Yolanda Valle, de Naturalia Solutions.
Ademais, presentarase o proxecto GO-GRASS, no que participa AGACA, que ten por obxectivo por en valor os pasteiros e atopar novos usos para a herba, tales como briquetas, camas para animais, biogás, papel, concentrado de proteína orgánica ou biochar.
Neste vínculo pode atoparse o programa completo en PDF.
Cepes
A iniciativa forma parte do proxecto Formación para a consolidación das cooperativas agroalimentarias de Galicia, no marco do Programa Operativo de Inclusión Social e Economía Social, xestionado pola Confederación Empresarial Española de la Economía Social (CEPES), y que incluye outros programas formativos de incorporación á empresa agrarna nas modalidades de vacún de leite e cultivos. Conta co cofinanciamento do Fondo Social Europeo, mediante a convocatoria de subvenciones dirixidas a entidades e empresas da economía social para o desenvolvemento de proxectos destinados á creación de empresas e entidades da economía social ou a mellora da competitividade e o apoio á consolidación empresarial das mesmas.
