— AMPLIADA INSCRICIÓN ata 30 de xullo: Programa de Apoio á función xerencial en cooperativas agroalimentarias

• O programa gratuíto Apoio á función xerencial en cooperativas agroalimentarias oriéntase a mellorar la capacitación das persoas con formación académica en situación de desemprego e a profesionalizar a xerencia das cooperativas.
• As persoas e cooperativas interesadas en participar poden informarse no teléfono 981 58 47 83, no correo electrónico loli@agaca.coop e na documentación indicada abaixo. O prazo de inscrición remata o 30 de xullo.
  

A Asociación Galega de Cooperativas Agroalimentarias (AGACA) pon en marcha o programa formativo de Apoio á la función xerencial en cooperativas agroalimentarias, que ten dous focos de interese. Por un lado, diríxese a persoas con titulacións de grao medio ou superior que se atopen en situación de desemprego e busquen mellorar a súa capacitación para ocupar postos de xerencia empresarial e, por outro, a cooperativas que, ou ben non contan coa figura de xerente ou ben buscan apoio á súa función xerencial.

A formación para o alumnado comeza cun curso teórico e continúa con prácticas presenciai nunha cooperativa agroalimentaria durante 6 meses (a razón de 25 horas semanais), onde experimentará in situ o labor xerencial dunha cooperativa no seu conxunto.

Para fortalecer a creación de equipos de traballo nas entidades e conseguir maior eficiencia nas prácticas, AGACA desenvolverá un proceso de coaching tanto para as cooperativas como para o alumnado. O obxectivo final do programa é mellorar a empregabilidade das persoas participantes.

Os prazo de inscrición remata o 30 de xullo.

As personas interesadas en tomar parte no programa formativo e as cooperativas interesadas en recibir alumnado en prácticas poden informarse no teléfono 981 58 47 83,  no correo electrónico loli@agaca.coop ou nas seguintes ligazóns de documentación necesaria:

—Cooperativas que desexen recibir alumnado en prácticas:

Poden consultar as bases completas da Convocatoria, xunto cun dos formularios de solicitude nesta ligazón (formato PDF).

A maiores, deben descargar e completar este formulario de solicitude (formato OpenDocument).

—Persoas que desexen participar no programa: deben ler as bases completas e convocatoria nesta ligazón (formato PDF) e completar o formulario de inscrición que se encontra no documento.

A iniciativa forma parte do proxecto Formación para a consolidación das cooperativas agroalimentarias de Galicia, no marco do Programa Operativo de Inclusión Social e Economía Social, xestionado pola Confederación Empresarial Española da Economía Social (CEPES), e que inclúe outros programas formativos, un orientado á incorporación ao sector vacún de leite e outro á incorporación ao sector de horta. Conta con cofinanciamento do Fondo Social Europeo, mediante a convocatoria de subvencións dirixidas a entidades e empresas da economía social para o desenvolvemento de proxectos destinados á creación de empresas e entidades da economía social ou á mellora da competitividade e o apoio á consolidación empresarial das mesmas.

29/04/2021

(Información actualizada o 27/05/2021)