— INSCRICIÓN: Curso sobre GIG-ECONOMY (18,19 e 21 de maio) Nova forma de auto-emprego ou de explotación?

• Este programa de formación profesional para persoas mozas e persoas afectadas polo mercado laboral da economía gig (economía de contratos temporais e/ou autónomos) dará información sobre as oportunidades e ameazas que supón este modelo laboral.
• É gratuíto e terá lugar online os días 18, 19 e 21 de maio.
• O prazo de matrícula finaliza o 5 de maio. Para inscribirse, é necesario cubrir este formulario. As prazas son limitadas e priorízase a orde de inscrición.

A “economía gig” representa hoxe un contorno no que os postos de traballo temporais son comúns e as organizacións contratan a traballadores independentes para contratos curtos. AGACA forma parte do proxecto europeo Entrando na “Economía GIG” (ERASMUS+), que busca compartir, debater e desenvolver métodos efectivos para abordar os seus riscos e oportunidades.

​Dependendo por onde se mire, a “economía gig” representa sexa un modelo económico prometedor que permitiría aos individuos liberar todo o seu potencial e seren máis creativos como autónomos, sexa unha idea pasaxeira e inadecuada que necesita ser regulada polos responsables políticos competentes antes de que sexa demasiado tarde. O proxecto Entrando na “Economía Gig” busca desenvolver o conoñecemento desta nova realidade económica mediante un programa de formación profesional para preparar a persoas que vaian entrar ao mercado laboral fronte a posibles malas prácticas da “economía gig” e abordar as súas oportunidades. Ademais, o proxecto involucra aos stakeholders que trae consigo a “economía gig” mediante o establecemento de alianzas rexionais.

Este curso diríxese a persoas que se inician ou que están nas marxes do mercado laboral, de todos os niveis e sectores da educación, e está aberto a persoas de España, Países Baixos, Irlada do Norte e Italia, polo que se desenvolverá en inglés. As prazas son limitadas e priorizarase a orde de inscrición.

Programa:

—«Economía GIG» e «traballadores/as GIG»: introdución á economía GIG.
— Posicionamento no mercado: identidade de marca e marketing na «economía GIG».
— Implicacións económicas e legais da «economía GIG».

Cando:

• Martes 18/5/2021. De 14.00 a 15.30h.
• Mércores 19/5/2021. De 14.00 a 15.30h.
• Venres 21/5/2021. De 10.00 a 11.30h.

 Onde: online (Teams)

 Idioma: inglés

Descargar folleto: formato PDF

Máis información sobre eo proxecto Entrando na “Economía Gig” na súa páxina web: https://es.enteringthegigeconomy.eu/

29/04/2021