A Asociación de Empresas de Inserción de Galicia (Aeiga) e AGACA organiza a xornada ‘Reaproveitamento alimentario: oportunidades de negocio para a economía social’, que se celebrará o vindeiro venres 3 de outubro, de 09.00 a 14.00 horas, en modalidade online a través de Teams.
O encontro busca dar a coñecer experiencias e modelos que permiten minguar o desperdicio alimentario e, ao mesmo tempo, abrir novas vías de actividade para a economía social. A cita servirá tamén para contextualizar o novo marco normativo en materia de prevención de perdas e desperdicio, que introduce obrigas e oportunidades para todos os axentes da cadea alimentaria. Ao longo da mañá, intervirán representantes de entidades e empresas que están a marcar o camiño neste ámbito. A xornada permitirá coñecer de primeira man exemplos inspiradores e aplicacións prácticas que contribúen á sostibilidade, á innovación e á xeración de valor económico e social.
A participación nesta actividade é gratuíta. Para poder participar, por favor, completa os datos neste formulario: Formulario de inscrición
PROGRAMA
09:00 – Presentación e benvida
09:20 – Marco normativo na prevención do desperdicio e reaproveitamento alimentario
- Antonio Díaz, Key Account Manager de Phenix
10:00 – Boas prácticas na prevención do desperdicio alimentario
- Ricardo Vázquez, Director de Calidade e Medioambiente de Vegalsa Eroski
- Óscar Varela, Responsable de Medioambiente de Gadisa Retail
11:15 – Descanso
11:45 – Iniciativas de éxito de Economía Social
- Raquel Freire, Xerente de Primicias Raíña
- Marc Badía, Responsable de Sostenibilidad Alimentaria de Formació i Treball
- Eduardo Ortega, Técnico de Economía Social Proyecto Maná Cáritas
13:00 – Modelos de negocio de reaproveitamento alimentario
- Antonio Díaz, Key Account Manager de Phenix
- Joaquín Monte, Socio de Sueve Biotech
13:45 – Despedida e peche
Esta actividade enmárcase no programa de actuación 2025 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para o fomento do cooperativismo e a economía social, que conta co financiamento do Ministerio de Traballo e Economía Social.
