Cando: martes 2 de outubro 20.00-21.00 CET
Como: esta é a ligazón para acceder – https://attendee.gotowebinar.com/register/8363593918391782401
No proxecto holandés Vacas e oportunidades, 16 produtores leiteiros xunto con investigadores de Wageningen University & Research e varios servizos privados de extensión están a buscar solucións prácticas para enfrontar os desafíos ambientais e sociais. Despois da abolición da cota láctea, a importancia de mellorar a eficiencia dos nutrientes para cumprir coas limitacións ambientais só aumentou!
Este seminario web centrarase na forma en que este proxecto se converteu nunha fórmula exitosa e en como os produtores leiteiros, o goberno e o sector lácteo se benefician deste proxecto. Este proxecto ofrece ferramentas e técnicas prácticas para mellorar a eficiencia dos nutrientes a nivel de leira, o que é beneficioso para todos os produtores leiteiros.
A información de fondo sobre o proxecto, Vacas e oportunidades (subtitulada como Dairyman Netherlands), está dispoñible aquí (o vídeo dispón de subtítulos integrados en inglés; en español, deben activarse os subítulos automáticos) .
[ot-video type=”youtube” url=”https://www.youtube.com/watch?v=2LTTDGWnAHU&feature=youtu.be”]
Dende entón, desenvolvéronse novas técnicas e ferramentas dentro do proxecto en curso, que se discutirán durante este seminario web. O proxecto está financiado por dous ministerios holandeses e o sector lácteo ( ZuivelNL). Os obxectivos xerais do proxecto son mellorar o medio ambiente e mellorar a economía da granxa.
Sobre o orador:
Michel de Haan é investigador de Wageningen Livestock Research e líder de proxecto de Vacas e oportunidades. Creceu nunha granxa leiteira na que aínda está involucrado, axudando en momentos de moito traballo. Os seus principais temas de investigación son a xestión de granxas leiteiras, os ciclos de nutrientes en e ao redor das granxas leiteiras, as emisións gasosas a nivel de granxa leiteira e o custo de produción de leite nun contexto nacional e internacional.
Acerca de EuroDairy
EuroDairy é unha rede internacional para aumentar a sustentabilidade económica, social e ambiental da produción leiteira en Europa, nun momento de desafío sen precedentes para o sector. Financiada polo programa Horizonte 2020 da UE, EuroDairy fomentará o desenvolvemento e a difusión de innovacións baseadas na práctica na produción leiteira, centrándose en cuestións clave de sustentabilidade que xorden tras a supresión das cotas lácteas: resiliencia socioeconómica, eficiencia dos recursos, coidado dos animais e integración da produción de leite con obxectivos de biodiversidade.
EuroDairy abarca 14 países, dende Irlanda ata Polonia, dende Suecia ata Italia; abarca o 40% dos produtores leiteiros, o 45% das vacas e o 60% da produción de leite europeo. O proxecto adopta o modelo interactivo de European Innovation Partnership, colocando aos agricultores no centro da innovación baseada na práctica, adaptando e desenvolvendo o coñecemento científico, tanto o novo como o existente, para producir solucións implementables, que logo poden ser compartidas a través da rede.
