- O proxecto europeo Entering the GIG-ECONOMY, no que participan AGACA e o Concello de Vedra, analizou as diferentes facetas do autoemprego (a chamada “economía gig”, modelo económico que afecta a persoas autónomas e con contratos temporais) e divulgará o 8 de setembro os resultados nun evento en Santiago de Compostela (Hotel Oca Puerta del Camino, R/ Miguel Ferro Caaveiro, s/n. De 10:30 a 13:00h.).
- As persoas que desexen asistir poden inscribirse completando este formulario
Unha campaña de sensibilización e un curso formativo para coñecer o potencial, pero tamén os riscos, do autoemprego son dous dos resultados deste proxecto nos que se afondará na xornada do día 8, que leva por título “Dous anos e medio do Proxecto GIG: resultados”. Se ben estes resultados se ofrecen especialmente ás persoas que están no mercado laboral ou se achegan a el, o proxecto tamén se dirixiu ás institucións públicas (organismos de emprego, administración pública, centros de ensino etc.) buscando xerar alianzas, estratexias e ferramentas de apoio a potenciais traballadores e traballadoras da economía gig.
Responden á principal cuestión que centraba o proxecto: É a economía gig unha nova forma de autoemprego ou un novo xeito de explotación?
A “Economía Gig” representa hoxe en día unha contorna no que os postos de traballo temporais son comúns e as organizacións contratan a traballadores independentes para contratos curtos.
A idea que subxace á “Economía Gig” para os seus partidarios é que aquelas persoas que traballan como autónomas e non asinan ningún contrato de traballo estable poden ofrecer os seus servizos en función de proxectos ou tarefas concretos, curtos e esporádicos.
Dependendo por onde se mire, a “Economía Gig” representa ou ben un modelo económico prometedor que permitiría aos individuos liberar todo o seu potencial e ser máis creativos como autónomos; ou ben é unha idea pasaxeira e inadecuada que necesita ser regulada polos responsables políticos competentes antes de que sexa demasiado tarde.
Logo de dous anos e medio de traballo, o consorcio multinacional que levou a cabo o proxecto invita a coñecer os seus resultados en Santiago de Compostela o día 8 de setembro, nunha xornada que, ademais, inclúe unha charla divulgativa sobre o estado da Economía Gig en Galicia, a cargo do alcalde do Concello de Vedra, Carlos Martínez, e da Secretaria xeral de Apoio ao Emprego, Traballo Autónomo e Economía Social da Xunta de Galicia, Covadonga Toca.
O programa da xornada é o seguinte:
10:30-10:50 | Benvida e presentación do evento
Higinio Mougán, director-xerente AGACA
Carlos Martínez, alcalde do Concello de Vedra
10:50-11:15 | Presentación de resultados
Campaña de sensibilización sobre a economía GIG
WIN Consultants, Irlanda
Programa de formación sobre a economía GIG
Learning Hub Friesland Foundation, Países Baixos
Rolda de preguntas
11:15-11:45 | Café e networking
11:45-12:20 | Presentación de resultados (cont.)
Conxunto de ferramentas para a creación de alianzas rexionais na economía GIG
Meath County Council, Irlanda
Estratexias e plans de acción rexionais para a economía GIG
Concello de Vedra, Galicia
Rolda de preguntas
12:20-12:45 | A economía GIG en Galicia
Presentación institucional
12:45-13:00 | Conclusións e peche
Joe English, Meath County Council
Higinio Mougán, AGACA
As persoas que desexen asistir poden inscribirse completando este formulario
O Consorcio GIG ECONOMY
Meath County Council- Irlanda
O Consello do Condado de Meath é o organismo oficial encargado de ofrecer servizos de calidade ás localidades do Condado de Meath. É a entidade que lidera o Proxecto GIG.
WIN Consultants, Irlanda
WIN Consultants Ltd é o principal operador de apoio á s pequenas empresas na rexión fronteiriza oriental de Irlanda.
Friesland College, Países Baixos
Friesland College é un Centro de Formación Rexional dedicado á formación profesional secundaria e educación de adultos.
Learning Hub Friesland, Países Baixos
Learning Hub Friesland é unha fundación que apoia todas as actividades que teñen por obxecto reunir a escolas, alumnado e profesorado con diferentes puntos de vista, culturas e sistemas educativos para comprendérense e apreciárense mellor e enriquecer a propia cultura.
Concello de Vedra, Galicia
O Concello de Vedra pon en práctica, de forma continua, iniciativas e actividades especialmente deseñadas para a mocidade, co fin de proporcionarlles información e asesoramento; promove actividades de formación, mediante métodos de aprendizaxe non formal, para o seu desenvolvemento persoal e profesional e ofrécelles alternativas de lecer recreativo e educativo.
AGACA, Galicia
AGACA é a entidade representativa das cooperativas agroalimentarias de Galicia, para promover os seus intereses empresariais. Desde hai máis de 30 anos desenvolve plans de formación e outras accións co obxectivo de aumentar a competitividade das cooperativas e mellorar as habilidades e competencias dos seus membros.
Comune di Capannori, Italia.
Capannori é unha importante zona de actividade agrícola e, nos últimos anos, desenvolveu moito a súa industrialización. O Concello de Capannori ten posto en marcha importantes proxectos e iniciativas sobre mocidade e emprego.
Formetica – Italia
O Consorcio Formetica ten como obxectivo a promoción, organización e posta en marcha de orientación profesional, formación, actualización e especialización, investigación e desenvolvemento, principalmente no ámbito industrial.
O proxecto conta con financiamento do programa Erasmus+ da Unión Europea.
Toda a información do proxecto está na súa páxina web: https://es.enteringthegigeconomy.eu/
