- Corenta e catro estudantes do CEIP Igrexa-Valadares (Vigo) participaron na actividade “Almorz@ con Beizos Brancos”, que aconsella sobre almorzos saudables con produtos galegos e mostra o proceso de transformación do leite.
- AGACA (Asociación Galega de Cooperativas Agroalimentarias) e Obra Social “la Caixa” organizan a iniciativa en centros educativos de toda Galicia.
O alumnado de terceiro de primaria do colexio ourensán Santo Ángel aprendeu esta mañá diferentes opcións para comezar a xornada cunha correcta achega enerxética e con alimentos saudables, naturais e procedentes maioritariamente do mercado nacional, fronte aos almorzos pouco variados ou baseados en produtos procesados industrialmente.
Entre os consellos ofrecidos pola nutricionista María Fernández, que impartiu a charla, atópanse o consumo de froitas de tempada, complementado con zumes naturais, tomar produtos lácteos e, sobre todo, almorzar diariamente para render durante a mañá.
A modo de exemplo, o alumnado almorzou leite enteiro, mandarinas e pan con aceite.
Ademais, mediante un xogo en grupo os estudantes aprenderon o proceso de produción e transformación do leite e a importancia do sector no medio rural galego.
Compromiso social
Durante este curso académico (2017/2018) celebráronse xa 12 xornadas e repartíronse 500 almorzos no marco de “Almorz@ con Beizos Brancos”.
AGACA e Obra Social “la Caixa” poñen en marcha este programa dende 2015 para impulsar correcta alimentación dos nenos e nenas de Galicia e fomentar nos fogares hábitos alimentarios saudables, ademais de pór en valor os produtos do agro galego.
23/01/2108
