- Este programa, co que colabora Cooperativas Agro-alimentarias de España, pretende achegar formación práctica a persoas mozas profesionais da agricultura e a gandería, mediante estancias en explotacións modelo de acollida.
- Está previsto que as visitas comecen en novembro.
- As persoas interesadas poderán presentar a solicitude do 6 ao 27 de outubro (incluído). Poderán encontrar máis información neste documento de Instrucións de solicitude (onde verán os requisitos e puntos de valoración) e na web do MAPA. Recórdase que o custo para as persoas participantes é gratis, e cobre ademáis os custos de substitución os días que estean fóra da súa explotación.
O Programa CULTIVA ou Programa de Estancias Formativas de Novos Agricultores en Explotacións Modelo é unha iniciativa desenvolvida polo Ministerio de Agricultura, Pesca e Alimentación (MAPA), en colaboración con entidades do sector -entre elas Cooperativas Agro-alimentarias de España- e con explotacións agrarias modelo vinculadas ás mesmas, que pretende facilitar o acceso á formación e o coñecemento práctico dos novos profesionais dos sectores da agricultura e a ganderías españois.
O obxectivo é, por tanto, ofrecer a persoas mozas formación práctica en explotacións modelo de acollida a través de estancias formativas, onde teñan a oportunidade de adquirir e consolidar in situ coñecementos sobre aspectos técnicos e de xestión que poidan aplicar no desenvolvemento da súa propia actividade agraria.
As estancias formativas, desenvoltas en territorio nacional e por períodos de entre 5 e 14 días de duración, ofrecen 7 horas de formación diaria sobre diferentes temáticas, como a planificación e xestión económica e financeira das explotacións ou o uso de tecnoloxías dixitais, entre outras.
O Real Decreto 425/2021, de 15 de xuño, establece as bases que regulan o Programa CULTIVA e a convocatoria para 2021.
Podes consultar as respostas ás preguntas máis frecuentes sobre as bases do Programa CULTIVA no Manual informativo.
As explotacións modelo de acollida
Cooperativas Agro-alimentarias de España, tendo en conta a boa acollida e positivos resultados que tivo este programa o ano pasado, presentou ao MAPA un catálogo de explotacións modelo para que mozos e mozas seleccionados poidan visitar. Trátase de explotacións de persoas socias de cooperativas, onde as persoas seleccionadas ademais de aprender de forma moi práctica o día a día das explotacións, poderán coñecer o funcionamento e desenvolvemento empresarial das cooperativas ás que están ligadas.
En xeral, o programa presenta explotacións agrarias reais e en activo que contan con algún trazo modélico dende o punto de vista da innovación, os medios produtivos, o modelo de negocio ou as características sociais ou ambientais. A súa función será acoller e formar aos novos profesionais da agricultura e a gandería segundo un programa formativo adaptado ás características da explotación.
Xóvenes participantes
Deben ser persoas agricultoras e ganadeiras incorporadas como responsables de explotación en data igual ou posterior ao 1 de xaneiro de 2016 e que tiñan menos de 41 anos no momento da súa instalación. Estas son as principais persoas beneficiarias desta iniciativa.
Para realizar a solicitude recoméndase consultar as Instrucciones del procedimiento de solicitud de estancias formativas para jóvenes agricultores en el Programa CULTIVA (año 2021), dispoñibles na web do MAPA: https://www.mapa.gob.es/es/desarrollo-rural/temas/jovenes-rurales/instrucciones_solicitud_jovenes_tcm30-563303.pdf
O Catálogo de todas as explotacións dispoñibles para as actividades formativas en 2021 pode consultarse nesta ligazón. Existe total liberdade para elixir explotación, pero prestade atención a explotacións que aparecen vinculadas a Cooperativas Agro-alimentarias de España.
Está previsto que as visitas comecen durante o mes de novembro do 2021 ata marzo de 2022.
Para máis información, podes dirixir as túas consultas sobre o Programa CULTIVA a Bzn-jovenes@mapa.es
Tamén hai información na web do MAPA: https://www.mapa.gob.es/es/desarrollo-rural/temas/jovenes-rurales/visitas-formativas/default.aspx
Información actualizada: 07/10/2021; 19/10/2021
