- O prazo de solicitude está aberto entre o 26 de xullo e o 16 de agosto.
- En total, 76 explotacións asociadas a cooperativas recibirán mozos e mozas.
- O catálogo de explotacións de Galicia pode consultarse nesta ligazón.
O programa CULTIVA22 diríxese a personas que se incorporaron como responsables de explotación a partir do 1 de xaneiro de 2017 (tendo menos de 41 anos no momento da súa instalación). É totalmente gratuíto para quen participa e finánciao o Ministerio de Agricultura, Pesca e Alimentación.
Consiste estancias formativas de 5 a 14 días de duración en explotacións modelo de acollida situadas en toda España. Pode atoparse na web do Ministerio toda a información sobre o programa e na sede electrónica están colgados un manual de instrucións e o resto de documentación necesaria.
Onde viaxar?
As estadías organízanse en colaboración con entidades de ámbito nacional representativas do sector agrario, entre as que está AGACA a través de Cooperativas Agro-alimentarias de España que, en colaboración coas súas Federacións e Unións territoriais, veu organizando estancias formativas nos dous últimos anos cunha experiencia moi positiva. En concreto, xunto con explotacións referidas por outras entidades, este ano presentáronse 76 explotacións modelo de acollida de persoas socias de cooperativas, das cales 7 son galegas.
O catálogo de explotaciones de Galicia pode consultarse nesta ligazón.
As explotacións vinculadas a cooperativas de toda España poden consultarse neste catálogo en formato PDF, onde aparecen clasificadas por Comunidade Autónoma e se especifica as datas en qeue cada unha está dispoñible para recibir persoas. Non é posible viaxar dentor da propia comunidade, polo que o catálogo é unha boa ferramenta para planificar que explotación resulta máis axeitada.
Cooperativas Agro-alimentarias de Castilla-La Mancha preparou un catálogo específico para as súas opcións, que pode consultarse nesta ligazón.
Financiamento
A participación en Cultiva22 non ten custo para as persoas que realizan estadías formativas.
É un programa finaciado polo Ministerio de Agricultura, Pesca e Alimentación (MAPA), no marco da Orde do 5 de abril pola que se modifican os anexos II e IV do Real Decreto 425/2021, do 15 de xuño, polo que se establecen as bases reguladoras para a concesión de subvencións destinadas a organizar o Programa CULTIVA, relativo a estancias formativas en explotacións modelo e apróbase a súa convocatoria para o exercicio 2022.
