Cooperativas Agro-alimentarias de España respalda o papel da gandería e pide a dimisión do ministro Garzón

Agaca
Por Agaca Xaneiro 5, 2022 14:07

ACTIVIDADES

Xaneiro 2022

REVISTA AGACA

  • Cooperación Galega Nº 156 — Decembro 2021

    — Editorial: E, a maiores, o gran reto ambiental
    — A fondo: A gandería en apuros
    — Caderno Técnico: Sostibilidade, mitigación e adaptación das prácticas agrícolas ao cambio climático

    Ver Online Ver Todas Hemeroteca

AGACA apoia a postura de Cooperativas Agro-alimentarias de España, que considera inaceptables as afirmacións realizadas en The Guardian polo ministro Alberto Garzón, especialmente as relacionadas coas hipotéticas exportacións masivas de carne de baixa calidade procedente de animais maltratados; polo que reclama a súa dimisión. Así mesmo, tamén considera inxusto que unha vez máis o titular de Consumo sinale ao sector gandeiro como causante principal do cambio climático, presentando para iso información terxiversada e emitindo descalificacións xeralizadas que non se corresponden coa realidade do sector gandeiro español. Lamentamos que a actitude do ministro Garzón se asemelle máis á dun activista que á dun membro do goberno.


O duro ataque proferido polo ministro Garzón resulta doloroso e incomprensible por varios motivos. En primeiro lugar, por xeneralizar e asumir que a problemática da gandería española xira en torno ao modelo das macrogranxas, cando estas non representan en absoluto o panorama produtivo maioritario do noso territorio. En todo caso, e naquelas zonas nas que hai instaladas granxas de maior capacidade, estas cumpren estritamente coa lexislación vixente, incluída a normativa de ordenación de explotacións dos diferentes sectores, que establece nalgúns casos capacidades máximas para as granxas, e que foron aprobadas polo propio executivo ao que pertence o ministro.

Por outro lado, é especialmente grave e daniño, que en lugar de impulsar e construír un sereno debate nacional sobre o futuro modelo produtivo do país, un ministro do goberno español realice acusacións de tal gravidade, baseadas en argumentos falaces, nun medio de comunicación estranxeiro. Ditas declaracións poderían ter un importante impacto comercial no sector gandeiro cárnico, altamente dependente do comercio internacional.

Dende Cooperativas Agro-alimentarias de España queremos lembrar ao ministro Garzón que o sector gandeiro está totalmente comprometido coa sustentabilidade ambiental e cumpre estritamente co modelo de produción europea, o máis estrito do mundo. Ademais, lémbrase unha vez máis que o sector gandeiro español leva anos traballando na mellora do benestar animal, concretamente a través do desenvolvemento de certificacións de benestar animal impulsadas polo propio sector dende as interprofesionais, ou de maneira privada con selos xa existentes. É conveniente remarcar tamén que o pasado ano dende España exportáronse carne e produtos cárnicos por un valor de 9.145 millóns de euros, e que España é tamén o segundo maior exportador mundial de carne de porcino. Estes datos avalan a enorme profesionalización do sector, que conseguiu alcanzar uns estándares de benestar, saúde animal, calidade da produción e eficiencia moi elevados e que son encomiados en todo o mundo.

É tamén igualmente importante o papel que xogan os sectores gandeiros na vertebración do territorio, o mantemento da poboación rural e da paisaxe, e a súa contribución á economía da chamada España baleirada, onde a gandería permanece e non se deslocaliza.

Cooperativas Agro-alimentarias de España espera que o Ministro de Consumo rectifique as súas palabras, moi prexudiciais para o sector gandeiro nacional, e dimita en consecuencia da actitude demostrada, claramente daniña para un importante sector produtivo. Sería desexable que o futuro existise unha coordinación co Ministro de Agricultura á hora de lanzar as súas mensaxes con datos contrastados, e espérase que os seus esforzos se dirixan máis a evitar a competencia desleal de alimentos procedentes de terceiros países que non cumpren os mesmos estándares de produción que os europeos, sendo menos sostibles comprometendo a rendibilidade e a viabilidade das explotacións gandeiras.

05/01/2022

Agaca
Por Agaca Xaneiro 5, 2022 14:07
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

<