- O Sentido da Carne é unha iniciativa pioneira que une a todos os elos da cadea de valor do sector para trasladar os beneficios e achegas destes alimento.
- Xunto a AGACA, 169 empresas e organizacións uníronse xa ao proxecto que arrincou en 2024.
- Máis do 80% da poboación cre que unha alimentación completa e equilibrada debe incluír o consumo de carne, e o 71,6% cre que deixar para comer carne pode afectar á saúde.
AGACA volve sumarse ao “O Sentido da Carne”, un proxecto de colaboración de toda a cadea de valor (fabricantes, distribuidores, tendas da canle especializada, interprofesionais, asociacións e organizacións, entre outros) para resaltar o papel da carne e os produtos cárnicos na nosa alimentación, cultura e gastronomía. Esta edición contará cun total de 170 entidades adheridas.
Entre os meses de xullo e outubro, o consumidor poderá ver esta campaña nos principais puntos de venda de todo o país, no packaging das empresas cárnicas participantes, nos folletos comerciais, páxinas webs, e a través dunha potente presenza en redes sociais, tanto nos perfís da propia iniciativa en Instagram e TikTok, como nas canles de todas as empresas e entidades adheridas.
Ademais, “O Sentido da Carne” lanzará, nos meses de xullo e outubro, senllos concursos no seu perfil de Instagram (@elsentidodelacarne) no que os participantes poderán optar a premios como grelladas e lotes de carne.
Segundo o “Estudo de opinión sobre a importancia do sector cárnico en España” elaborado por Sigma Dos para o Foro Gandeiro-Cárnico, máis do 80% da poboación cre que unha alimentación completa e equilibrada debe incluír o consumo de carne, e o 71,6% cre que deixar de comer carne pode afectar a saúde. Á vez, o 86,1% da poboación pensa que o consumo de carne achega proteínas importantes para evitar a desnutrición das persoas maiores e favorecer o seu mantemento muscular e óseo, mentres que o 78,3% considera que a redución de proteína procedente da carne pode afectar o crecemento físico e desenvolvemento intelectual de nenos e nenas e o 85% considera que a carne achega minerais e vitaminas importantes para o noso sistema inmunolóxico.
Neste contexto, a iniciativa ten como obxectivo principal transmitir que a carne e os produtos cárnicos forman parte da nosa cultura gastronómica e que, consumida de acordo coas pautas recomendadas, contribúe a unha dieta variada e equilibrada, no marco da Dieta Mediterránea.
Para máis información: info@elsentidodelacarne.com / www.elsentidodelacarne.com
