RESUMEN ELABORADO POR AGACA
Puede consultar/descargar este resumen en “Documentación” (formato PDF, en gallego) y consultar la Resolución completa en el enlace “web”.
— RESOLUCIÓN de 9 de junio de 2026 por la que se da publicidad del Acuerdo del Consejo de Dirección que aprueba las bases reguladoras de las ayudas a la transformación digital de las pymes cofinanciadas por la Unión Europea en el marco del programa Galicia Feder 2021-2027 y se procede a su convocatoria para los años 2026-2027 en régimen de concurrencia competitiva (DOG Nº 107, 10/06/2026)
OBJETO
O obxecto principal destas axudas é apoiar proxectos de transformación dixital avanzada en pemes galegas. Segundo as bases reguladoras, estes proxectos deben estar orientados á implantación e posta en produción de solucións dixitais que cumpran as seguintes funcións:
- Proporcionar soporte dixital aos procesos internos da empresa.
- Facilitar a interconexión dixital na cadea de valor.
- Mellorar as relacións comerciais e operativas con terceiros (clientes, provedores, etc.) a través de canles dixitais externas.
- Permitir o intercambio automatizado de datos entre empresas
NON é obxecto da subvención
Non se admitirán proxectos que consistan exclusivamente en:
- Estudos de viabilidade, diagnósticos ou memorias sen implantación efectiva.
- Páxinas web ou aplicacións meramente informativas ou catálogos sen funcionalidade operativa.
- Actuacións de márketing dixital, publicidade ou xestión de redes sociais.
- Mantemento ordinario ou renovación de servizos preexistentes
Esta axuda está suxeita a CONCORRENCIA COMPETITIVA
Código de procedemento administrativo para dita axuda é para o programa I: IG300C
Formulario electrónico a través da aplicación do Igape (https://spiga-sede.igape.es)
PROYECTOS ADMITIDOS
Tipoloxías de proxectos admitidos
A convocatoria clasifica os proxectos en seis áreas principais:
- Canles dixitais con terceiros: Solucións B2B ou B2C para transaccións, pedidos ou atención posvenda integrada cos sistemas da empresa.
- Dixitalización de procesos internos: Automatización e control de procesos específicos e captación de datos.
- Sistemas de xestión integral (ERP): Implantación de plataformas que vertebren varias áreas funcionais da empresa.
- ASG (Ambiental, Social e Gobernanza): Tecnoloxía para medir e reportar indicadores de sostibilidade e impacto social.
- Ciberseguridade: Medidas para garantir a operación segura e a resiliencia dos activos dixitais.
- Mellora loxística: Solucións para o aprovisionamento, xestión de almacéns, trazabilidade e optimización do transporte.
ACCIONES SUBVENCIONABLES
Os principais tipos de gastos admitidos son:
- Investimentos materiais e inmateriais
Deben ser elementos novos adquiridos en propiedade e contabilizados no grupo 2 de contas. Inclúense:
- Activos vinculados á solución: Equipos e software necesarios para a implantación do proxecto.
- Software: Custos de implantación, parametrización, configuración, desenvolvemento a medida e migración de datos.
- Licenzas non temporais: A compra de licenzas de carácter definitivo.
- Sensores e sistemas de control: Equipamentos para a medición de parámetros produtivos ou ambientais (indicadores ASG) e a súa trazabilidade.
- Equipamento TIC especializado (excepcional): Só se admite se é imprescindible e específico para o proxecto, como terminais industriais (HMI), PDAs para loxística, lectores de códigos de barras ou impresoras industriais de etiquetas. Non se admite equipamento de uso xeral como portátiles ou móbiles convencionais.
- Servizos de consultoría externa
Servizos de carácter tecnolóxico ou organizativo prestados por terceiros (contabilizados no grupo 6). Abranguen:
- Análise e reenxeñaría de procesos.
- Configuración e integración de interfaces e canles dixitais con terceiros.
- Ciberseguridade: Diagnóstico, análise de riscos, plans de acción, probas de intrusión (pentesting) e posta en produción segura.
- Consultoría para a medición e seguimento de indicadores ambientais, sociais e de gobernanza (ASG).
- Informe de enxeñeiro/a: Para proxectos de máis de 30.000 € en activos inmateriais ou consultoría, o custo do informe técnico exixido (ata un máximo de 2.000 €).
- Licenzas temporais e servizos na nube (SaaS)
Estes conceptos (SaaS, subscricións, servizos Cloud) só son subvencionables baixo o réxime de minimis e con carácter accesorio. Non poden ser o obxecto principal do proxecto e deben estar limitados ao prazo de execución.
- Gastos de coordinación (Hubs de Innovación)
Nos proxectos de máis de 60.000 € coordinados por un Hub de Innovación Dixital (HID) recoñecido, o servizo de consultoría para a coordinación e definición técnica é subvencionable ata un máximo de 6.000€.
Gastos NON subvencionables
É importante destacar que non se concederán axudas para:
- Maquinaria ou equipamentos cuxa finalidade principal sexa a produción ou transformación.
- Inmobles, mobiliario ou medios de transporte.
- Equipamento TIC básico: Ordenadores de sobremesa, portátiles, teléfonos intelixentes ou tabletas de uso xeral.
- Mantemento ordinario, canons recorrentes ou gastos de formación e capacitación.
- O imposto sobre o valor engadido (IVE)
BENEFICIARIOS
Pemes: Pequenas e medianas empresas, calquera que sexa a súa forma xurídica
Autónomos: Inclúense explicitamente os empresarios autónomos
Ubicación: Deben ter un centro de traballo en Galicia no que se vaia realizar o proxecto
REQUISITOS DE FORMALIZACIÓN
- Documentación do proxecto
Memoria descritiva: Un documento cun contido suficiente para avaliar o proxecto conforme os criterios de selección (calidade técnica, alcance, viabilidade etc.). Recoméndase utilizar o modelo orientado facilitado polo Igape
Tres ofertas de provedores: Cando o importe de calquera dos elementos do proxecto sexa igual ou superior a 15.000 €
As ofertas deben ser de provedores non vinculados entre si nin coa empresa solicitante e deben ser comparables en canto a prestacións
- Documentación administrativa e legal
Escrituras e estatutos: Só no caso de entidades non inscritas no Rexistro Mercantil, debe presentarse o documento de constitución, estatutos e a acreditación da representación
Contas anuais: Xustificante do depósito das contas do último exercicio pechado no Rexistro Mercantil, no caso de que o solicitante se opoña á consulta de oficio ou non se poidan obter por causas técnicas
- Requisitos para subvencións superiores a 30.000 €
Para acreditar o cumprimento dos prazos de pago a provedores (Lei de Morosidade), as empresas deben presentar:
Pemes que poden presentar conta de perdas e ganancias abreviada: Unha certificación subscrita pola persoa física ou polo órgano de administración da sociedade.
Resto de empresas: Unha certificación de auditor/a de contas ou un “Informe de procedementos acordados” sobre o cumprimento dos prazos de pago.
- Declaracións responsables (incluídas no formulario)
O formulario electrónico inclúe declaracións que o solicitante asume ao asinar a solicitude, entre as que destacan:
A condición de peme da empresa.
Que o proxecto non comezou antes da presentación da solicitude.
O compromiso de achegar unha contribución financeira mínima do 25 % do custo do proxecto (para axudas baixo o réxime de exención por categorías).
O cumprimento do principio ambiental de “non causar un prexuízo significativo” (DNSH).
Declaración de calquera outra axuda de minimis recibida ou solicitada nos últimos tres anos.
É importante lembrar que a ausencia de memoria técnica ou que esta sexa ilexible non é emendable e dará lugar á avaliación do expediente só coa información do formulario
Todas as notificacións e trámites posteriores realizaranse exclusivamente por vía electrónica
CUANTÍA DE LAS AYUDAS
Intensidade da subvención (Artigo 6)
- Investimentos en activos materiais e inmateriais:
- Baixo o réxime rexional (Art. 14 RXEC): 35 % para pequenas empresas e 25 % para medianas empresas.
- Baixo o réxime para pemes (Art. 17 RXEC): 20 % para pequenas empresas e 10 % para medianas empresas.
- Servizos de consultoría externa: Un 50 % tanto para pequenas como para medianas empresas.
- Licenzas temporais e servizos na nube (SaaS): Un 50 % baixo o réxime de minimis.
Limites e importes por proxecto
Os proxectos clasifícanse en tres tipos segundo o seu orzamento subvencionable, aínda que todos deben respectar un importe mínimo de 12.000 €:
- Tipo 1: Proxectos de 12.000 € a menos de 50.000 €.
- Tipo 2: Proxectos de entre 50.000 € e 120.000 €.
- Tipo 3: Proxectos de máis de 120.000 €.
Gastos con contías específicas
Existen límites máximos para conceptos concretos dentro do proxecto:
- Informe de enxeñeiro/a: Subvencionable ata un máximo de 2.000 € en proxectos de máis de 30.000 € en activos inmateriais ou consultoría.
- Coordinación por Hubs de Innovación (HID): Ata un máximo de 6.000 € en proxectos cun importe subvencionable igual ou superior a 60.000 €.
Límites do réxime de minimis
As axudas concedidas baixo este réxime (como o SaaS ou licenzas temporais) non poden exceder os seguintes totais acumulados por empresa nun período de tres anos:
- Réxime xeral: 300.000 €.
- Sector de produción agrícola primaria: 50.000 €.
Finalmente, cómpre salientar que a dotación total da convocatoria é de 3.000.000 €, cofinanciada nun 60 % pola Unión Europea a través do programa Galicia Feder 2021-2027
CONDICIONES GENERALES
Os proxectos presentados deben cumprir cos seguintes estándares para seren admitidos:
- Modalidade: Só se permiten proxectos individuais presentados por unha única peme.
- Viabilidade: Deben ser técnica, económica e financeiramente viables para a empresa solicitante.
- Resultados: Teñen que presentar un alcance concreto e xerar resultados verificables nunha contorna real.
- Importe mínimo: O orzamento subvencionable do proxecto non pode ser inferior a 12.000 €.
- Non retroactividade: O proxecto non pode ter comezado antes da data de presentación da solicitude. Considérase iniciado se existe un compromiso en firme, como a sinatura de contratos ou pedidos.
- Principio DNSH: Todas as actuacións deben respectar o principio de “non causar un prexuízo significativo ao medio ambiente
PLAZO DE PRESENTACIÓN DE SOLICITUDES
O prazo de presentación de solicitudes estará aberto desde o 11 de xuño ás 9.00h ata o 14.00h do 10 de xullo de 2026.
