- O programa busca mellorar a xestión das cooperativas tanto capacitando persoas para que exerzan o cargo de xerente ou mando intermedio como abrindo ás cooperativas a posibilidade de incorporar persoas novas a eses postos.
- O prazo de presentación de solicitudes para persoas interesadas en cursar a formación e realizar prácticas termina o 4 de novembro. As cooperativas interesadas en recibir persoas en prácticas poden presentar solicitude para entrar ao programa ata o 10 de novembro.
O programa “Apoio á función gerencial nas cooperativas agroalimentarias galegas” diríxese a persoas con titulación de grao medio ou superior —diplomados/as ou licenciados/as en titulacións relacionadas coa xestión empresarial e agronomía, tales como Administración e Dirección de Empresas, Económicas, Empresariais, Relacións Laborais, Enxeñería Agrícola e do Medio Ambiente, …, así como titulados/as en Ciclos Superiores de formación profesional en especialidades relacionadas coa xestión empresarial e agronomía—, preferentemente en situación de desemprego, e consiste nun programa de formación teórico/práctico co obxectivo de que o alumnado experimente in situ o labor de xerencia dunha entidade cooperativa no seu conxunto, á vez que a cooperativa poida experimentar as vantaxes de contar cunha xestión profesionalizada.
Tamén se dirixe a cooperativas que desexen mellorar a súa función xerencial e, para iso, estean dispostas a recibir persoas en prácticas. Ademais, inclúe a realización de procesos de coaching executivo e de equipos, co fin de fortalecer a cración de equipos de traballo nas entidades e conseguir maior eficiencia das prácticas.
Para o alumnado, o programa consiste nun curso inicial de formación teórica de 20 horas, seguido por formación práctica en cooperativas durante 6 meses (25h/semana), así como participación procesos de coaching.
O 7 de novembro comeza o curso de formación teórica para o alumnado, cunha sesión sobre planificación estratéxica e ferramentas para o plan de mellora. Continúa os días 8, 9 e 10 do mesmo mes, con sesións sobre a economía social e as súas áreas económico-financeira, comercial e de mercado. O programa completo pode verse aquí (formato PDF).
| Está aberta a convocatoria correspondente ao período 2022-2023. O proceso de selección tanto de persoas candidatas como de cooperartivas receptoras se pódese atopar nas bases:
As bases completas da convocatoria para alumnado están nesta ligazón (formato PDF). As persoas interesadas poden presentar solicitudes ata o 4 de novembro. As bases completas para cooperativas que reciben alumnado en prácticas están nesta ligazón (formato PDF). As cooperativas poden presentar solicitudes ata o 10 de novembro de 2022. |
A iniciativa forma parte do proyecto Formación para a consolidación das cooperativas agroalimentarias de Galicia, no marco do Programa Operativo de Inclusión Social e Economía Social, xestionado pola Confederación Empresarial Española de la Economía Social (CEPES) como Organismo Intermedio dos fondos do FSE (Fondo Social Europeo), e que inclúe outros programas formativos, un orientado á incorporación ao sector vacún de leite e outro á incorporación ao sector de horta.
Conta co cofinanciamento do FSE, mediante a convocatoria 2021-2023 de axudas dirixidas a entidades e empresas da economía social para o desenvolvemento de proxectos destinados á creación de empresas e entidades da economía social ou á mellora da competitividade e o apoio á consolidación empresarial destas.
