- AGACA continúa en febreiro impartindo formación para persoas socias de cooperativas, con dous cursos para persoas que manexan gando bovino e dous de incorporación e á empresa agraria.
Dentro do proxecto Plan de Apoio ao Fortalecemento e Consolidación das Cooperativas Agroalimentarias Galegas e co obxectivo de favorecer a obtención de cualificacións e a mellora das competencias profesionais das persoas socias das cooperativas, AGACA está a desenvolver un itinerario formativo que redunde na mellora da súa profesionalización, composto por diferentes accións formativas que se veñen realizando dende o inicio do Plan.
En concreto, dous cursos de Operario de granxa para persoal que manexa gando bovino deron comezo en febreiro, en modalidade presencial. Un deles tivo lugar do 2 ao 6 de febreiro en Mazaricos (A Coruña) na cooperativa Piensos Alborés; o outro impartiuse en A Pastoriza (Lugo) na cooperativa O Xeixo, entre o 9 e o 13 de febreiro.
Ademais, o 9 de febreiro comezaron en Rodeiro (Pontevedra) dous cursos de “Incorporación á empresa agraria. Vacún de leite”, na cooperativa O Rodo. Un deles, en modalidade presencial, rematará o 16 de abril e o outro, en modalidade de teleformación con algunhas horas presenciais, o 15 de maio.
 Curso Operario de granxa, impartido en O Xeixo S. Coop. Galega do 9 ao 13 de febreiro. |
 Curso Incorporación á empresa agraria. Vacún de leite, impartido en O Rodo S. Coop. Galega do 2 de febreiro ao 16 de abril. |
O Proxecto Plan de Apoio ao Fortalecemento e Consolidación das Cooperativas Agroalimentarias Galegas ten como finalidade apoiar o crecemento, o fortalecemento e a consolidación das cooperativas agroalimentarias galegas que desexen afrontar o reto de implantar melloras na xestión e nos sistemas de produción. Fundaméntase nas necesidades de mellorar a competitividade, sustentabilidade e resiliencia das nosas organizacións, considerando o seu papel estratéxico no desenvolvemento económico, social e rural de Galicia.
Este proxecto enmárcase no Programa de Emprego, Formación, Educación e Economía Social, EFESO, cofinanciado polo Fondo Social Europeo Plus para o período 2021-2027, e na Convocatoria para o cofinanciamento por parte do Fondo Social Europeo Plus de proxectos destinados a apoiar o crecemento, fortalecemento e consolidación de entidades e empresas da economía social, especialmente cooperativas, sociedades laborais, confrarías de pescadores ou mutualidades de previsión social, xestionada pola Confederación Empresarial Española da Economía Social (CEPES), na súa calidade de organismo intermedio. Desenvolverase entre o 01/01/2025 e o 31/12/2027.
 |
Máis información:
— Plan de apoyo al fortalecimiento y consolidación de las cooperativas agroalimentarias gallegas
— Programa EFESO
— Confederación Empresarial Española da Economía Social (CEPES)
