- O curso gratuíto Incorporación á empresa agraria: orientación vacún de leite comezará en 2022.
- A formación será telemática.
- As persoas interesadas en participar poden matricularse completando o formulario que aparece nesta ligazón.
A Asociación Galega de Cooperativas Agroalimentarias (AGACA) continúa o programa formativo Incorporación á produción de leite e consolidación das cooperativas lácteas, convocando a segunda edición do curso “Incorporación á explotación agraria, orientación vacún de leite”.
Diríxese a persoas desempregadas con intención de incorporarse ao mercado laboral nunha explotación gandeira.
As clases son telemáticas, mediante unha aula virtual onde una persoa impartirá o temario en directo (algúns días requerirán a asistencia presencial). A formación conta coa homologación da Consellería do Medio Rural.
Temario:
– Módulo 1.- A empresa agraria (24 horas aula virtual + 6 horas presencial).
– Módulo 2.- Xestión técnico-económica da empresa agraria (24 horas aula virtual + 6 horas presencial).
– Módulo 3.- Asociacionismo, comercialización e trazabilidade (24 horas aula virtual + 6 horas presencial).
– Módulo 4.- Relacións laborais e prevención de riscos laborais (24 horas aula virtual + 6 horas presencial).
– Módulo 5.- Sensibilización medioambiental (24 horas aula virtual + 6 horas presencial).
– Módulo 6.- Agrotecnoloxía (24 horas aula virtual + 6 horas presencial).
– Módulo 7.- Produción de forraxes e alimentación do gando (32 horas aula virtual + 8 horas presencial).
– Módulo 8.- Produción de leite e manejo do gando (24 horas aula virtual + 6 horas presencial).
As persoas interesadas poden matricularse no [button link=”https://docs.google.com/forms/d/1VSQh6CDRIgxvmf0xGSf2oKf09laVilnn3aT85B2wWds/viewform?edit_requested=true” icon=”✎” target=”” color=”218a3d” textcolor=”ffffff”]FORMULARIO DE INSCRICIÓN[/button]
Quen completen con éxito esa formación avanzarán ao curso Aplicador/Manipulador de produtos fitosanitarios, de 25 horas, para a obtención do carné necesario para traballar con estes produtos. O temario vén regulado polo Real Decreto 1311/2012, de 14 de setembro.
A iniciativa forma parte do proxecto Formación para a consolidación das cooperativas agroalimentarias de Galicia, no marco do Programa Operativo de Inclusión Social e Economía Social, xestionado pola Confederación Empresarial Española de la Economía Social (CEPES), e que inclúe outros programas formativos, un orientado á incorporación ao sector hortícola e outro de apoio á función xerencial nas cooperativas agroalimentarias. Conta coa cofinanciación do Fondo Social Europeo, mediante a convocatoria de subvencións dirixidas a entidades e empresas da economía social para o desenvolvemento de proxectos destinados á creación de empresas e entidades da economía social ou á mellora da competitividade e o apoio á consolidación empresarial destas.
