Abordar as necesidades actuais e futuras de competencias para a sustentabilidade, a dixitalización e a bioeconomía na agricultura: Programa e Estratexia Europea de Competencias
COORDINACIÓN
Universidade de Turín (Italia)
DURACIÓN
O proxecto iniciouse en xaneiro de 2020 e terá unha duración total de 48 meses.
CONSORCIO
31 entidades socias en representación de 12 países europeos diferentes. Institucións de ensino superior e formación profesional, representantes do sector agrario e forestal e da industria agroalimentaria:
Alemaña (Universidade de Hohenheim), Austria ( ISEKI, AP, LVA, FJ- BLT), Bélxica ( FDE, LLL- P, Plant ETP, EfVET, Cepi), España (Cooperativas Agro-alimentarias de España, AGACA, Universidade de Castela-A Mancha, FIAB, FENACORE), Finlandia ( ProAgria), Francia ( ACTIA, AC3A, Ania), Grecia ( CERTH, SEVT, EFB, Gaia), Irlanda ( ICOS), Italia (Universidade de Turín, Confagricoltura, INFOR), Países Baixos (Universidade de Wageningen, AERES), Portugal ( CONFAGRI), Eslovenia (Cámara de Comercio e Industria de Eslovenia).
FINANCIAMENTO
REFERENCIA: 612664- EPP-1-2019-1- IT- EPPKA2- SSA- B.
Proxecto financiado polo programa ERASMUS+, Acción clave n.º 2: Cooperación para a innovación e o intercambio de boas prácticas – Alianzas para competencias sectoriais
OBXECTIVOS
A agricultura europea enfróntase a moitos desafíos, a política de Alimentos 2030 destaca a vulnerabilidade da produción agrícola debido á globalización dos mercados, a crecente competencia, a volatilidade dos prezos e a incerteza económica xunto coa baixa produtividade incremental dos cultivos. Estas vulnerabilidades acentúanse pola crecente demanda de alimentos e pensos, mentres que as preocupacións ambientais e os cambios climáticos xeran máis incertezas. Pasar da agricultura tradicional á agricultura sostible é un proceso complexo que require un enfoque de sistema, que inclúe a remodelación do papel do agricultor: dun mero produtor de alimentos e produtos básicos, a un «administrador intelixente do capital natural».
Para abordar e reaccionar con éxito a estes factores, a agricultura e a silvicultura necesitan novos modelos de negocio e habilidades. A identificación das necesidades de habilidades existentes e emerxentes en bioeconomía, sustentabilidade e para o uso da tecnoloxía dixital, é de suma importancia para desenvolver un enfoque estratéxico para manter o sector agrícola europeo competitivo e sostible a longo prazo. É necesaria unha estratexia clara de competencias sectoriais da UE para mellorar a xestión de riscos, deter a perda de competencias prácticas, mellorar a comprensión das novas tecnoloxías, desenvolver competencias empresariais e de liderado e lograr un enfoque máis coordinado do desenvolvemento de competencias. A bioeconomía ao vincular os diversos actores da cadea de valor, ao facer uso do novo modelo de economía circular, permite abordar moitos dos desafíos aos que se enfronta a agricultura, pero falta unha estratexia de habilidades adecuada para permitir que os agricultores o aborden con éxito.
O enfoque FIELDS, a partir das tendencias e habilidades actuais e futuras necesarias, conducirá a unha estratexia europea sostible para abordar as potenciais carencias de habilidades. Dado que os problemas e as oportunidades agrícolas difiren moito dun país a outro, crearase unha estratexia personalizada para 7 países membros do consorcio. Abordará accións específicas de cada país, perfís ocupacionais e material de formación para reflectir as necesidades do país, mantendo os estándares de calidade da UE ( ESCO, EQAVET, ECVET) para abordar a mobilidade dos estudantes en Europa.
A estratexia xeral definirase sobre a base dunha análise en profundidade de necesidades, pero tamén se poñerá en práctica directamente dentro do proxecto, a través da creación de guías e métodos, programas e contidos de formación implementados a través de formacións piloto nos países socios, involucrando a agricultores, gandeiros e silvicultores. Para ter un maior impacto, crearanse guías nacionais que conteñan pasos e accións concretas para axudar a todas as partes interesadas a poñer en práctica a estratexia desenvolvida a nivel da UE.
RESULTADOS
Os resultados de proxecto poden consultarse na súa páxina web. Destacamos os seguintes:
BASES DE DATOS sobre:
Plans de estudos: A base de datos de plans de estudo / cursos complementa a información sobre escolas de FP, provedores de FP e outros provedores educativos en xeral.
Proxectos: A base de datos de proxectos proporciona información sobre a estado da arte dos proxectos europeos referidos á agricultura, bosques e sectores afíns (Bioeconomía, Dixitalización, Habilidades brandas e Sustentabilidade).
Mellores prácticas: A base de datos de mellores prácticas proporciona información dos éxitos nas áreas do proxecto: sustentabilidade, dixitalización, bioeconomía, habilidades interpersoais (soft skills ou habilidades brandas), novas tecnoloxías e formación en agricultura, silvicultura e sectores relacionados (industrias agroalimentarias e forestais).
Marcos regulatorios: Estúdase o marco regulatorio para asegurar que a estratexia se poida implementar localmente.
Oportunidades de financiamiento: Nesta tarefa, os socios estudaron e enumeraron as oportunidades de financiamiento dispoñibles para apoiar as estratexias de habilidades e o uso futuro dos resultados de FIELDS.
Poden atoparse nesta ligazón: https://www.erasmus-fields.eu/es/base-de-datos/
SISTEMA DE XESTIÓN DE APRENDIZAXE (LMS nas súas siglas en inglés) e PLATAFORMA DE FORMACIÓN FIELDS:
Pódese acceder mediante esta ligazón: https://fields.learnskills.ie/login/index.php
CONTACTO EN AGACA
Ruth R. Ferreiros
rferreiros@agaca.coop
Tel. : +34 609 048 820
+ información:
Web: https://www.erasmus-fields.eu/inicio/?lang=es
Redes sociais:
Twitter: https://twitter.com/SprojectField
LinkedIn: https://www.linkedin.com/company/fields-project-erasmus/?viewAsMember=true
Facebook: https://www.facebook.com/Fields-Project-Erasmus-115331017260054
Youtube: https://www.youtube.com/channel/UCKFCxHAmRdRLF9_axPy-eNg
Novidades:
– Actualidade (17/06/2024): Seis recomendacións estratéxicas para promover o desenvolvemento de habilidades profesionais nos sectores agrícola, alimentario e forestal a nivel europeo.
– Bioeconomía, habilidades interpersonais, sostibilidade e dixitalización, a un click con FIELDS: información acerca da Plataforma de Formación de FIELDS publicada en Cooperación Galega, nº 168, mayo 2024.
– Aproveita os recursos tecnolóxicos dos proxectos europeos: información publicada en Cooperación Galega, nº 167, marzo 2024 , p. 44.
– Actualidade (23/05/2023): FIELDS elabora perfiles profesionales para las futuras competencias agroalimentarias.
– Newsletter 1 (só en inglés): Consultar/descargar PDF.
– Newsletter 2 (mayo 2022) – Centrada en el Pact for Skills, sus objetivos, las ventajas de unirse y como hacerlo: Descargar/consultar PDF.
– Newsletter 3 (abril 2023) – Centrada na creación de perfís ocupacionais para futuras habilidades agrícolas e alimentarias: Descargar/consultar.
– Newsletter 4 (outubro 2023)- Centrada na sesión de formación de formadores e a sexta reunión de socios do proxecto: Descargar/consultar PDF.
– Newsletter 5 (maio 2024) – Reforzar o ecosistema agroalimentario: Un compromiso co Pact for Skills (Pacto polas Competencias): Descargar/consultar PDF.
– Newsletter 6 (maio 2024) – Celebrando os logros e o lanzamiento do sistema de xestión de aprendizaxe FIELDS!: Descargar/consultar PDF.
– Newsletter 7 (xuño 2024) – Centrada na conferencia final do proxecto FIELDS. Abordando as necesidades actuais e futuras de competencias para a sostibilidade, a dixitalización e a bioeconomía na agricultura: Axenda europea de competencias: Descargar/consultar PDF.
Esta publicación reflicte unicamente as opinións do autor e a Comisión non se fai responsable do uso que poida facerse da información contida nela.
