- O curso gratuíto “A economía social e a modernización do sector agroalimentario: certificacións de calidade e medioambientais”, que se pode seguir online, comenza o 2 de maio e conclúe o 19 de xuño.
A inscrición pode realizarse nesta ligazón.
A Asociación Galega de Cooperativas Agroalimentarias (AGACA) continúa o seu labor de formación, a distancia e gratuíta, relacionada coa calidade alimentaria, a preservación do medio ambiente e a divulgación do papel do cooperativismo.
A 13ª edición do curso “A economía social e a modernización do sector agroalimentario: certificacións de calidade e ambientais”, que se pode seguir a través dunha plataforma de teleformación, permite ao alumnado avanzar ao seu ritmo e acceder aos materiais formativos en calquera momento. O número de prazas é limitado, polo que é necesario incribirse completando este formulario.
Terá lugar entre o 2 de maio e o 19 de xuño.
O tempo estimado para completar a formación é de 70 horas
PROGRAMA:
| Unidade | Denominación | Nº Horas | Módulos |
| I | Cooperativismo no sector primario | 10 hs | 1. As cooperativas |
| 2. Marco legal do cooperativismo | |||
| II | Certificacións de calidade | 40 hs | 3. ISO 9001 |
| 4. Certificacións en vacún de leite | |||
| 5. GLOBALG.A.P. | |||
| 6. BRC/IFS | |||
| 7. ISO 22000 | |||
| III | Certificacións ambientais | 20 hs | 8. ISO 14000 (14063, 14067…) |
| 9. Análise de ciclo de vida | |||
| 10. Pegada de carbono | |||
| 11. Pegada hídrica |
Pode solicitar máis información a Demetrio Bedriñana: estudos5.agaca@gmail.com.
Esta actividade enmárcase no programa de actuación 2022 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para o fomento do cooperativismo e a economía social que conta co financiamento do Ministerio de Traballo e Economía Social.
