Sesenta socias da cooperativa Clun proxectan “Mulleres de Seu” para o empoderamento e desenvolvemento profesional das mulleres no rural.
Trátase dun Encontro para celebrar o Día Internacional da Muller ao que asistirá a secretaria Xeral de Igualdade da Xunta de Galicia, Susana López Abella.
A xornada contará ademais co testemuño da alpinista galega Chus Lago, primeira española en alcanzar o Everest sen osíxeno e en liderar a primeira expedición feminina aos Lagos Xeados de Laponia para concienciar sobre o cambio climático.
O Encontro celebrarase mañá mércores, 8 de marzo, a partir das 12.00 horas, na Cidade da Cultura de Santiago de Compostela.
