Mellorar a eficiencia enerxética é sinónimo de aforro de custos, aumento da vantaxe competitiva e diferenciación no mercado. ademais de ser unha das claves da estratexia para loitar contra o cambio climático.
AGACA leva xa uns anos facendo a análise dos consumos enerxéticos no proceso produtivo das cooperativas con fábrica de pensos. Estúdanse os equipos e hábitos de consumo de enerxía.
Cos resultados propóñense e recomendan as accións idóneas para optimizar o consumo en función do seu potencial de aforro, a facilidade de implantación e os custos de execución.
Os obxectivos do Estudo sobre “Aforro e Eficiencia Enerxética nas cooperativas con fábrica de pensos” ten como obxectivos fomentar a adopción de mecanismos que favorezan o aforro enerxético nos procesos produtivos, con indicadores e medidas de análises de resultados e facilitar que as cooperativas poidan comparar os seus consumos coas medias obtidas co fin de establecer pautas de actuación de redución do consumo en función dos parámetros que se indican no Informe.
A actividade enmárcase na iniciativa Rede Eusumo, rede liderada pola Xunta de Galicia, para fomento do cooperativismo e a economía social en Galicia.
