- Onte tivo lugar a Asemblea Xeral de DELAGRO S. Coop. nas Pontes. A entidade pechou 2017 cun incremento do 7,25% (11,18 millóns de euros) en volume de comercialización con respecto a 2016. Supera así, os 165 millóns de euros en vendas.
- Especializada en proporcionar servizos e insumos agrarios, constitúe unha das maiores Centrais de Compras do norte de España.
A cooperativa de segundo grao DELAGRO S. COOP. celebrou onte a décimo sexta edición da súa Asemblea Xeral nas Pontes (A Coruña). Os datos expostos reflicten que a cooperativa cumpriu cos principais parámetros económicos previstos obtendo un beneficio superior ao obxectivo fixado e logrando un retorno a socios de 1.657.440 euros.
As vendas totais alcanzaron os 165,3 millóns de euros. Delagro crece no seu volume de comercialización 11,18 millóns de euros, un 7,25%. Así mesmo, creceu en vendas a terceiros.
A Asemblea aprobou, por unanimidade, todos os puntos da orde do día, incluídos os orzamentos xerais para 2018. A cifra de negocio increméntase en máis de 25 millóns de euros, debido ao optimismo reinante entre os socios, especialmente coa implicación de Clun e Aira na actividade cooperativizada de Delagro..
Crecemento
As tres Unidades de Negocio: Alimentación Animal, Subministracións e Mercarural, superaron os datos orzados. Destacan os datos de fertilizantes, para os que foi un ano récord comercializándose 5.500 toneladas máis que o ano anterior. Tamén destaca o aumento, en case un 43%, da semente de millo. Os combustibles, pola súa banda, superaron a cifra de venda do ano anterior en máis dun 9%
Satisfacción e implicación
Por outra banda, en 2017 Delagro someteuse a unha enquisa de satisfacción logrando unha boa valoración por parte dos seus socios. Tamén superou satisfactoriamente un Informe de Auditoría.
Actualmente, Delagro está conformada por 30 socios que aglutinan 50 cooperativas e 91 delegacións en Asturias, Cantabria e Galicia, o que se traduce en 26.000 familias tras este gran proxecto. A cifra de negocios total que manexan as entidades socias de Delagro supera os 555 millóns de euros. Ditas entidades proporcionan 1.100 empregos.
DELAGRO S. Coop. é unha cooperativa de segundo grao que integra cooperativas de Asturias, Cantabria e Galicia. Fortemente asentada como central de compras, conta cunha potente estrutura departamental en alimentación e produción vexetal e animal, automoción, fertilizantes, combustibles, etc., á vez que estende a súa actividade á área de asesoramento e márketing entre outras.
