- Mañá martes, 02 de xullo, no hotel Puerta del Camino terá lugar a xornada: “Desenvolvemento do cooperativismo leiteiro galego: Paquete Lácteo”.
- Tamén se tratará a reforma da PAC, entre outros temas.
- Organiza a xornada, a Asociación Galega de Cooperativas Agroalimentarias (AGACA).
A xornada ” Desenvolvemento do cooperativismo leiteiro galego: Paquete Lácteo” reunirá mañá martes, no hotel compostelán Puerta del Camino, a medio cento de profesionais vinculados ao sector lácteo. Entre os temas a considerar inclúense: a reforma da PAC, o novo marco regulador de aplicación sobre o Paquete de Produtos Lácteos, o progreso dos proxectos de Medio Rural no sector, o acordo para o desenvolvemento do programa de prescrición e uso razoable de antibióticos.
Entre os oradores atópanse: Jorge J. Piñeiro, director xeral adxunto do FOGGA; Concha Gafo, do servizo xeral de leite e derivados lácteos do Ministerio de Agricultura, Pesca e Alimentación; Marcos Barreiro, xefe de servizo para análise e informes da Consellería do Medio Rural; Miguel A. Pérez, director xeral de desenvolvemento rural da Xunta de Galicia e Victorio M. Collado, técnico de Cooperativas Agro-alimentarias de España.
Finalmente, e só para as entidades socias, desenvolverase unha reunión sobre a situación actual da cooperativa e Organización de Produtores(O.P.), Aprolac.
