- Dirixida a xerentes e reitores de cooperativas lácteas de Galicia, a Xornada é de especial relevancia para as entidades primeiro compradoras.
- Acordo de Sustentabilidade do Sector Lácteo asinado en setembro será un dos puntos a tratar polos relatores da Inlac, Cooperativas Agro-alimentarias de España, entre outros.
- Terá lugar o 11 de novembro en Santiago de Compostela, de 09:45 a 20:00 horas.
A volatilidade de prezos, a presión das grandes cadeas de distribución e a atomización da oferta contribúen á vulnerable situación que atravesa o sector lácteo galego. Na Xornada prestarase atención tanto ás normativas que afectan ao sector lácteo como a novas estratexias de desenvolvemento das cooperativas non transformadoras para que poidan chegar a un nivel de sostibilidade do que agora carecen.
Fernando Miranda, director xeral de Producións e Mercados Agrarios do Ministerio de Agricultura e Gandería, afondará nas políticas presentes e futuras do sector lácteo. Julián Trullén, director da Escuela de Transformación Empresarial explicará estratexias para afrontar os retos que plantexa o futuro e Pedro Martos, presidente da consultora Prodescon analizará a estrutura da cadea de valor láctea.
Inscrición
As persoas interesadas en asistir á Xornada, que terá un formato moi participativo para permitir o debate e o intercambio de ideas, poden inscribirse chamando ao 981 58 49 11 ou no correo electrónico berta.agaca@gmail.com. A tarifa de inscrición, que inclúe material e comida, é de 80 euros.
