- José Montes, presidente da cooperativa láctea Feiraco recibiu o “Premio Liderazgo Empresarial 2016” concedido pola Confederación de Empresarios de A Coruña (CEC).
- Montes é tamén presidente de AGACA e ocupa cargos en entidades como Cooperaivas Agro-alimentarias de España e Confederación Empresarial Española de la Economía Social (CEPES).
O xurado, integrado polo Comité Executivo da patronal coruñesa, destacou a contribución “inestimable” de Feiraco ao “progreso de Galicia”. Considera que o sector agrogandeiro, como unha das riquezas socioeconómicas de Galicia, sufriu historicamente duros embates por múltiples razóns, e engade que a cooperación e as alianzas entre as distintas organizacións e autónomos que conforman esta actividade económica son necesarias para obter o lexítimo rendemento empresarial que lle corresponde, así como gañar o futuro para o noso medio rural.
A entrega do premio, que se outorga este ano por décima vez, terá lugar a finais de novembro en Oleiros.
