- A Asociación Galega de Cooperativas Agroalimentarias (AGACA) e Obra Social “la Caixa” desenvolveron onte a xornada
“Coidar, coidarte” na Bodega Paco & Lola (Meaño). - Expuxéronse modos de mellorar a atención que se proporciona ás persoas maiores no fogar.
Un grupo de persoas socias da cooperativa Bodega Paco & Lola asistiron onte á tarde a unha das xornadas do programa “Coidar, coidarte”, impulsado por AGACA e Obra Social “la Caixa”.
Ruth Rodríguez, técnica de AGACA, expuxo a situación das persoas maiores no medio rural e o papel das cooperativas na mellora da súa calidade de vida así como a das persoas encargadas da súa atención, a cargo da. Segundo datos compilados pola entidade, a porcentaxe de cooperativistas que supera os 55 anos oscila entre o 20 e o 40%, dependendo do sector.
A continuación, Silvia Fondo e Marisol Suárez, profesionais en atención a persoas maiores e con dependencia mostraron modos de mitigar o deterioro asociado ao envellecemento, a nivel físico, psicolóxico e social, para que tanto as persoas maiores como as encargadas da súa atención gocen dun maior benestar no día a día.
Ademais, demostráronse técnicas para mover e desprazar correctamente a persoas que precisan asistencia para iso.
Compromiso social
“Coidar, coidarte” forma parte dun plan conxunto entre AGACA e Obra Social “la Caixa” iniciado em 2015. Dende entón, téñense celebrado 18 xornada de “Coidar, coidarte”, con arredor de 390 participantes.
Outras iniciativas do Plan inclúen xornadas sobre empoderamento da muller cooperativista, incorporación de persoas mozas á actividade profesional no medio rural e fomento da alimentación sa entre escolares.
