- A Subdirección Xeral de Economía Social convoca o 6 de outubro unha Xornada na que se ofrece unha visón especializada da RSE, a través de casos de éxito.
O día 6 de outubro terá lugar na Cidade da Cultura de Santiago de Compostela (Auditorio 2 – Centro de Emprendemento Cultural) a xornada “RSE en Entidades de Economía Social”, de 09:00 a 14:00 horas.
Contará coa presenza institucional da Secretaria Xeral de Emprego, Covadonga Toca, da Subdirectora Xeral de Economía Social, Alba Paz, e da Subdirectora Xeral de Relacións Laborais, María Coutihno.
Ademais de mostrar un exemplo concreto do desenvolvemento de iniciativas de Responsabilide Social nunha entidade de economía socia —Adega Martín Códax—, durante xornada levarase a cabo unha mesa redonda de boas prácticas —intervirán representantes de Metal Ferrol, Viña Costeira, Trameve, Federación Galega de Confrarías de Pescadores e Fundación Ronsel— e unha mesa redona sobre os “Desafíos e Oportunidades de RSE nas entidades de economía social”— con representantes de AJE Galicia, Grupo Galega de Economía Social, Feiraco, intheMOVE e Subdirección Xeral de Relacións Laborais.
A xornada finalizará coa presentación dun Manual de RSE nas entidades de economía social.
As persoas interesadas en asistir poden chamar ao 676 531 653 ou escribir a rse.economiasocial@gmail.com.
Puede consultar el programa completo online.
