Aquelas persoas que desexen convertirse en Mentoras no contexto do programa ES-MENTORING deberán cubrir a solicitude de Rexistro na páxina web de ES-MENTORING antes do día 25 de novembro, ás 14:00h., xa que deberán participar na Xornada Formativa do día 28, dirixida ás Mentoras.
As que desexen solicitar unha Mentoría deberán cubrir o formulario que figura tamén na páxina web.
ES-MENTORING é unha iniciativa nova, coordinada por AGACA e ESPAZOCOOP, co apoio da Consellería de Promoción do Emprego e Igualdade dirixida ás empresas da economía social que teñen unha necesidade específica, ou que están nun momento de crise, proceso de cambio, transformación, innovación, entre outros, e están interesadas en recibir orientación ou asesoramento sobre como enfocar a situación por parte doutras empresas da economía social xa consolidadas e que poidan ter pasado por situacións similares con anterioridade.
Promovemos a creación dunha Rede de mentoras na economía social que permita compartir os coñecementos, vivencias e habilidades dos profesionais con experiencia con outras entidades da economía social que precisan implementar melloras.
XORNADA DE PRESENTACIÓN
O día 21 tivo lugar a xornada de Presentación do proxecto. Durante a xornada, os representantes das entidades organizadoras, Higinio Mougán, director-xerente de AGACA e Teresa Balado, responsable da área de Consultoría de ESPAZOCOOP, explicaron en detalle, as características do proxecto ante as persoas participantes (de forma presencial ou vía on-line)
Por outra banda, Elena Zabalza, de ANEL, Empresas de Economía Social de Navarra, expuxo a súa experiencia tras catro anos de ter comezado unha iniciativa similar no ámbito da súa entidade.
Aquelas persoas que desexen inscribirse como Mentoras deben entrar na sección MENTORAS da páxina web e solicitar o seu Rexistro. De seguido, recibirá unha mensaxe que lle permitirá Rexistrarse cun usuario e contraseña propios e así cubrir os formularios pertinentes.
Co fin de resultar unha experiencia construtiva e eficaz, as persoas mentoras deberán cumprir unha serie de requisitos como o de estar vinculado a unha entidade de economía social e amosar unha traxectoria e experiencia acordes coas expectativas previstas polas entidades organizadoras do proxecto.
