- A Asociación Galega de Cooperativas Agroalimentarias (AGACA) e Obra Social “la Caixa” organizan, mañá, na cooperativa Viña Costeira a xornada“Coidar, coidarte” para contribuír ao envellecemento activo.
- É a terceira deste ciclo de xornadas, que se levarán a cabo en cooperativas de toda Galicia.
Un grupo de socias da cooperativa vitivinícola Viña Costeira participará a tarde do día 22 na charla “Coidar, coidarte”, impartida por expertas en atención a persoas maiores e con dependencia.
A xornada informará sobre os diferentes procesos físicos e psicolóxicos asociados co envellecemento e achegará pautas para tratar de mitigar o deterioro asociado a cumprir anos.
Ademais, explicaranse técnicas para o coidado no fogar de persoas maiores dependentes, tratando de mellorar o seu benestar á vez que facilitando o labor das persoas coidadoras que, segundo o informe de de AGACA “A muller na cooperativa: factores de conciliación” son mulleres no 88% dos casos.
Compromiso social
“Coidar, coidarte” responde ás demandas efectuadas polas cooperativistas que interviñeron en accións previas desenvolvidas por AGACA e Obra Social “la Caixa”, que reafirman deste xeito o seu compromiso co medio rural galego, contribuíndo ao seu avance social.
–Lugar: Viña Costeira, Lugar de Valdepereira, s/n, Ribadavia – (Ourense)
–Horario: mércores, 22 de xuño de 16:00 a 20:00 h.
