- ES-MENTORING nace co obxectivo de promover unha rede de mentorías en economía social que permita compartir coñecementos, vivencias e habilidades de profesionais con experiencia con outras entidades de economía social que necesiten implementar melloras.
- AGACA e EspazoCoop son as entidades que, co financiamento da Secretaría Xeral de Apoio ao Emprego, Traballo Autónomo e Economía Social, desenvolven o programa.
O 21 de novembro no Hotel Oca Puerta del Camino terá lugar a presentación de ES-MENTORING, que tamén pode ser seguida a través de Zoom. ES-MENTORING diríxese a empresas de economía social que teñen unha necesidade específica ou que están nun momento de crise, proceso de cambio, transformación, innovación… e están interesadas en recibir orientación ou asesoramento sobre como enfocar a situación por parte doutras empresas da economía social xa consolidadas e que poidan ter pasado por situacións similares con anterioridade.
A xornada dará comezo ás 09:30 horas e rematará ás 13:00 con un cóctel. As persoas interesadas en asistir deben inscribirse chamando ao 981 58 47 83 ou, para participar vía Zoom, completar o formulario.
PROGRAMA
09:30h. Recepción de convidados. Café de benvida.
10:00h. Relatorio: Presentación do Programa ES- MENTORING
Relator: Higinio Mougán. Director-xerente de AGACA.
Preguntas e aclaracións.
11:00h. Relatorio: Boas prácticas de persoas mentoras na
Economía Social
Relatores: Responsables do Mentoring en ANEL-Navarra (On line).
Preguntas e aclaracións.
12:00h. Presentación da imaxe e da páxina web de ES-Mentoring
Relatora: Rosa Vázquez. Responsable de Comunicación de AGACA.
Preguntas e aclaracións.
12:30h. Relatorio: Os polos de Emprendemento para o impulso e
consolidación de proxectos. Colaboracións con ES-MENTORING.
Relatora: Margarita Ardao. Directora xeral de Emprendemento e
Apoio ao Emprego.
Preguntas e aclaracións
13:00h. Clausura da Xornada.
Cóctel e viño de cooperativas. Networking.
Descargar programa (formato PDF)
Con ES-MENTORING, AGACA e a Unión de Cooperativas Galegas EspazoCoop promoven unha rede de mentorías en economía social que permita compartir coñecementos, vivencias e habilidades de profesionais con experiencia con outras entidades de economía social que necesiten implementar melloras.
