- A iniciativa reúne profesionais de varias adegas e trata sobre ciberseguridade e dixitalización de procesos e xestións en viñedos e adegas.
- O proxecto, solicitado pola Asociación Galega de Cooperativas Agroalimentarias (AGACA), foi aprobado polo IGAPE.
Profesionais da viticultura e representantes de adegas cooperativas, xunto con representantes de AGACA, participaron esta mañá en Bodegas Eidosela (Arbo) nunha reunión de traballo dentro marco dun ciclo de obradoiros ligados á Industria 4.0, organizados por AGACA con financiamento do IGAPE, Xunta de Galicia e FEDER.
A reunión comezou cunha visión global dos riscos de información para a decisión en adegas, da man de Elige Plus Consultores.
A continuación, Débora Franco e David Rey, de Monet Viticultura (empresa galega de tecnoloxías asociadas ao viñedo), presentaron solucións, sistemas e tecnoloxías aplicables á xestión de viñas.
En canto a ciberseguridade, afondou no tema Alejandro Alonso Rodríguez, de Inprosec, unha empresa galega especializada en seguridade informática e protección de datos.
Esta é a terceira reunión do ciclo Industrias 4.0, tras as acontecidas en Viña Costeira e Martín Códax. Os próximos pasos, segundo se presentou na reunión, encamiñaranse a un posible proxecto común para a valoración de tecnoloxías e sistemas de interese para profesionais da viticultura.
