Asemblea Xeral. Delagro supera os 200 millones de euros en 2020

A cooperativa de segundo grao DELAGRO S. Coop. A. celebrou esta mañá a súa Asemblea xeral, na que se aprobaron por unanimidade todos os puntos do día.

Renóvase o Consello Reitor sen cambios na súa configuración.
Entre as novidades, figura a creación dun Comité de Risco vinculado ás transaccións económicas e a modificación dos Estatutos para incluír a posibilidade de realizar asembleas vía telemática, nun futuro.

Delagro S. Coop. A. celebrou esta mesma mañá a súa Asemblea Xeral anual nun acto presencial desenvolto no Hotel Spa Attica 21, de Vilalba (Lugo). Á convocatoria asistiu un 56,52% das entidades socias ( Delagro integra en total, 23 cooperativas de primeiro e segundo grao), configurando así, o 83,3% do voto presente.

Entre os puntos do día, que se aprobaron por unanimidade, ademais da presentación de contas e Memoria de Actividades figuraba a renovación do Consello Reitor, que se mantén igual que estaba.

Como novidades, destaca a creación dun Comité de Risco, desde o que as persoas involucradas responsabilizaranse de autorizar as transaccións comerciais e facer seguimento dos pagos entre outras tarefas relacionadas coa área económica da entidade, e doutra banda, a modificación dos Estatutos para autorizar a posibilidade de realizar futuras Asembleas con carácter telemático se así se considerase.

Satisfacción entre as socias xa que, por primeira vez, superouse a barreira dos 200 millóns de euros en volume de negocio, batendo un récord histórico na entidade. Logrouse, ademais, incrementar o volume de vendas a pesar dos enormes desafíos que supuxo a pandemia e ás importantes caídas que se rexistraron en determinadas categorías como os combustibles, pola menor mobilidade da poboación.

A pesar de que o exercicio 2020 trouxo consigo a peor crise sanitaria, social e económica que o mundo enfrontara en case un século, en DELAGRO conseguiuse reaccionar con celeridade, procurando a seguridade dos empregados e o aseguramento das subministracións, grazas ao compromiso e responsabilidade demostrada polas persoas que compoñen o equipo, ás ferramentas tecnolóxicas dispoñibles e ao adiantarse no tempo desenvolvendo, durante os anos previos, unha plataforma desde a que se dixitalizaron as relacións con provedores, socios e clientes, e Administracións Públicas.

Delagro foi unha das primeiras cooperativas do país en desenvolver un protocolo de prevención para os seus traballadores de oficinas, fábrica e comerciais, antes mesmo de que as autoridades sanitarias lexislasen sobre este particular.

Pode dicirse que os servizos que DELAGRO achegou non se viron minguados en absoluto grazas á lealdade, compromiso e profesionalidade dun equipo entregado a cumprir co obxecto social desta organización.

Configuración actual do Consello Reitor

• Presidencia: AIRA- Javier Taboada (Galicia)
  Vicepresidencia: Campoastur – Mª Cruz Fernández (Asturias)
  Secretaría: Clun -Pablo Costoya (Galicia)
  Vogais: Agrocantabria, (José A. Pereda- Cantabria); Xallas (Xosé Gardado- Galicia); Corvera (Mª Sol Codina- Asturias) e Cusoviame (Roberto Roca- Galicia)