- O Centro da Rede Eusumo Fundación Terra de Trasancos (Narón) acolleu onte a estudantes do Colexio María Auxiliadora, da cidade de Lugo.
- Participaron nunha charla e percorreron as instalacións de Terra de Trasancos, como exemplo de entidade que funciona no modelo económico de economía social.
- As actividades son parte da Rede Eusumo para o para o Fomento do Cooperativismo e a Economía Social.
Técnicos da Asociación Galega de Cooperativas Agroalimentarias (AGACA) impartiron onte á mañá unha xornada didáctica sobre as vantaxes do cooperativismo como fórmula de emprendemento e de desenvolvemento laboral e económico para o alumnado de terceiro curso da ESO do Colexio María Auxiliadora, composto por 40 rapaces e rapazas. O obxectivo da actividade, enmarcada nun Obradoiro “Emprendemento e Cooperativas. Modelo de éxito”, enmarcado na Rede Eusumo, foi promover o cooperativismo como opción de futuro profesional para o alumnado.
Os estudantes perocorreron tamén as instalacións de Terra de Trasancos (que funciona ademais como centro Rede Eusumo de difusión do cooperativismo), para coñecer de primeira man o funcionamento dunha sociedade que desenvolve a súa actividade, agrícola e de servizos, dentro do modelo da economía social.
Rede Eusumo
Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, nacida no 2011 co impulso da Consellería de Economía, Emprego e Industria.
