NOTA DE PRENSA: Cooperativas Agro-alimentarias de España
- Cooperativas Agro-alimentarias de España organizou unha convención nacional de cooperativas os próximos días 26 e 27 de abril no auditorio Víctor Villegas de Murcia. Espérase que o evento reúna a máis de 400 representantes de cooperativas, de todos os sectores e de toda a xeografía do país, xunto a destacados expertos de ámbito nacional e internacional.
A Convención pretende poñer o foco e debater conxuntamente sobre cales son as cuestións que máis importan actualmente ás cooperativas españolas, como o futuro da UE e de Política Agraria Común, as perspectivas económicas a curto e medio prazo ou as tendencias de consumo. Para iso, tamén se desenvolverán tres obradoiros simultáneos de expertos, na tarde do día 26, nos que se analizarán as tendencias en produción agraria, na industria agroalimentaria, e nos mercados e a comercialización.
Destacar o alto nivel dos relatores e expertos que intervirán na Convención, entre eles, o secretario xeral de Agricultura e Alimentación do MAPAMA, Carlos Cabanas; o vicepresidente do Parlamento Europeo, Ramón Luís Valcárcel; Jorge García Reig, da Dirección Xeral de Fondos Europeos do Ministerio de Facenda; Anna Campos, economista do Servizo de Estudos de CaixaBank; Mauricio García de Quevedo, director de FIAB; ou José Luis Molina, presidente Agro de AMETIC… por citar só algúns.
Está prevista tamén a intervención por videoconferencia do comisario de Agricultura da Unión Europea, Phil Hogan, ademais da presenza do presidente e do conselleiro de Auga, Agricultura e Pesca da Región de Murcia, Fernando López Miras e Francisco Jódar, respectivamente.
A Convención conta co patrocinio de Cajamar, CaixaBank, Syngenta, Repsol, Sigfito, FMC, Agropelayo, Basf, Baywa, AFCO, Certifood e Agroseguro e a colaboración do Goberno da Región de Murcia.
O programa da Convención pode consultarse en: http://www.agro-alimentarias.coop/ficheros/doc/05627.pdf
