NOTA DE PRENSA: CONDES DE ALBAREI
- A bodega Condes de Albarei reforza ano tras ano o seu compromiso co coidado da contorna para potenciar un futuro máis próspero e seguro.
Coa celebración este domingo do Día Mundial da Reciclaxe cabe recordar que o futuro pasa por coidar e protexer a nosa contorna. Dende Condes de Albarei traballan en potenciar actividades e proxectos que promoven o coidado e respecto polo medio ambiente como é, por exemplo, a reciclaxe.
Unha das apostas de Condes de Albarei é o traballo constante na preservación da nosa contorna reducindo ao máximo o impacto medioambiental da súa actividade, feito no que levan traballando dende a súa fundación no ano 1988. Para iso participan en distintos proxectos coma Ecovidrio ou Viñas Atlánticas, cuxa finalidade é o coidado da nosa contorna.
Ademáis, a adega Condes de Albarei mantén un forte compromiso coa reciclaxe, unha aposta que reflicte os valores desta adega e que se ve plasmada nos datos alcanzados. Así, no ano 2019 Condes de Albarei contribuíu á reciclaxe de 775.000 kilos de vidro, 44.000 kilos de cartón, 5.600 kilos de cortiza e máis de 1.400 kilos de aluminio.
O futuro do noso planeta pasa polo respecto á nosa contorna a través dunha actividade responsable que dende Condes de Albarei queren reflectir no seu traballo diario.
18/05/2020
