COMUNICADO: XUNTA DE GALICIA
Que é o Cooperativismo de Portas Abertas?
O “Cooperativismo de Portas Abertas” é unha campaña mediante a cal o Consello Galego de Cooperativas e a Secretaría Xeral de Emprego propoñen que o venres 1 de xullo, durante a xornada anterior ao Día Internacional do Cooperativismo, todas as cooperativas galegas abrades as portas dos vosos locais ao público, non só como un xeito físico para amosar o voso traballo senón tamén como un acto simbólico e colectivo para a visibilización do sector cooperativista.
Ademais de amosar á poboación os proxectos das vosas cooperativas, axudaredes a fomentar e promover o cooperativismo en Galicia e a aumentar o nivel de coñecemento sobre os valores e beneficios deste modelo empresarial.
Para dar a coñecer a importancia do labor que desenvolve o sector cooperativista en Galicia, como sempre, cantas máis sexamos máis visibilidade conseguiremos, polo que vos animamos a todas a participar.
Como participar?
Escribide a este email cooperativismo2016@xunta.gal co nome da vosa cooperativa e un número de teléfono e de seguida alguén contactará con vós.
A todas as interesadas enviarásevos material gráfico axeitado para que poidades difundir a vosa adhesión a esta campaña e anunciar que o día 1 de xullo… as cooperativas están de portas abertas!
No seguinte vídeo veredes como algunhas cooperativas xa se animaron a participar
[ot-video type=”youtube” url=”https://www.youtube.com/watch?v=nhV31vph6js”]
