Abre a inscrición a teleformación para persoal que manexa gando bovino

A formación en benestar animal é un requisito fundamental para garantir unhas condicións adecuadas de manexo dos animais vivos e para cumprir coa normativa vixente en materia de protección animal.

AGACA imparte, entre o 18 de maio e o 10 de xuño de 2026, o Curso de Formación para persoal que manexa gando bovino, cunha duración de 20 horas lectivas e en modalidade de teleformación. Está homologado pola Consellería do Medio Rural e permite adquirir os coñecementos necesarios sobre características da produción bovina, sanidade animal, hixiene e bioseguridade, manexo, xestión ambiental e loita contra o cambio climático das explotacións, rexistro de información e documentación e normativa vixente no ámbito europeo, nacional, autonómico e local relacionada.

O prazo de inscrición está aberto completando este formulario este formulario.

O curso está dirixido principalmente a:

• Persoal que manexa gando bovino.

Duración:

• 20 horas de formación que deben cursarse do 18/05/2026 ao10/06/2026.

Pago:

• O curso non está subvencionado.

Temario:

1. Características da produción bovina
   1. Morfoloxía e fisioloxía do gando bovino
   2. Alimentación e sistemas de aloxamento
   3. Comportamento animal e hábito dos bovinos
2. Sanidade animal, hixiene e bioseguridade
   1. Bioseguridade en explotacións de gando bovino e boas prácticas de hixiene
   2. Actuacións na prevención de enfermidades animais e zoonosis
   3. Inspección e observación de animais enfermos
   4. Recoñecemento dos síntomas/síndromes asociados ás enfermidades de declaración obrigatoria. Vixilancia pasiva e obrigacións de comunicación ás autoridades competentes
   5. Medidas de loita contra enfermidades animais
   6. Interacción entre saúde animal e humana
   7. Interacción co benestar animal
   8. Resistencia aos tratamentos, incluída a resistencia antimicrobiana e as súas consecuencias
3. Manexo
   1. Manexo no período post-cubrición
   2. Manexo no pre-parto, parto e puerperio
   3. Manexo do destete
   4. Manexo da fase de cebo
   5. Manexo durante a muxidura
4. Xestión ambiental e loita contra o cambio climático das explotacións
   1. Almacenamento de estercos
   2. Xestión de estercos
   3. Xestión de compostos nitroxenados
   4. Xestión de emisións, ruídos e cheiros
   5. Consumo de auga e enerxía
5. Rexistro de información e documentación
6. Normativa vixente no ámbito europeo, nacional, autonómico e local relacionada

Esta formación é necesaria para dar cumprimento á normativa estatal e europea sobre benestar animal no manexo de gando bovino, que esixe que as persoas responsables destas tarefas conten cunha formación específica e acreditada.

Máis información e contacto: 609 07 01 35 e/ou 621 15 27 22

 

Formulario de inscrición

Máis información e contacto: 609 07 01 35 e/ou 621 15 27 22