- Continúa avanzando o proxecto Mellora da competitividade das explotacións de vacún leiteiro, mediante o fomento de produción hipocarbónica, que AGACA desenvolve coa Confederación Empresarial Española da Economía Social (CEPES).
- Tivo lugar, en abril e maio, un curso formativo e mantéñense as visitas a granxas.
O proxecto Mellora da competitividade das explotacións de vacún leiteiro, mediante o fomento de produción hipocarbónica pretende que os produtores lácteos reduzan os impactos ambientais e as emisións de Gases de Efecto Invernadoiro (GEIs) da súa actividade polos consumos de auga e enerxía, fomentando boas prácticas que axudan a reducir estes impactos.
O proxecto ten como obxectivos básicos:
- Fomentar o aforro enerxético, o consumo responsable e a minimización de residuos na produción láctea mediante guías de Boas Prácticas e Mellores Técnicas Dispoñibles para a redución de impactos ambientais
- Mellorar a competitividade das granxas leiteiras mediante o asesoramento individualizado para a redución da pegada de carbono e os consumos de auga e enerxía, aproeitando sinerxías derivadas da transferencia de know-how dende os centros de investigación cara ás explotacións lácteas.
Na primeira edición do Proxecto (2018-2020), temos traballado con 96 produtores de gando vacún leiteiro, representativos das cooperativas Xallas-Santa Comba, O Rodo e Campodeza con diferentes tipoloxías produtivas. Nesta segunda edición (2021-2023) queremos chegar a 100 produtores pertencentes ás cooperativas CLUN e Aira.
Durante o mes de abril e mayo, comezamos co curso de formación de persoal técnico como agentes de ecoinnovación, cunha participación de más de 30 técnicos e técnicas de cooperativas. Estes técnicos e técnicas encárganse de asesorar a cooperativas e produtores na implantación de novas prácticas no proceso produtivo. O persoal técnico de ecoinnovación comezou a visitar e realizar enquisas nas explotacións de producción láctea para coñecer o proceso produtivo e modelizar os consumos de auga e enerxía nas granxas para calcular a súa pegada de carbono e pegada hídrica.
A partir da información obtida das granxas, e unha vez elaborados os cálculos pertinentes, poderemos determinar puntos de mellora nos procesos de produción agrogandeira, asesorando e fomentando a implantación de mellores prácticas dispoñibles para facilitar a redución de consumos de auga e enerxía nas granxas de produción de leite. Mediante esta redución de consumos, os custos de produción baixan, aumentando a competitividade da granxa e mantendo a productividade e sostibilidade de productores e produtoras do sector lácteo.
Cando teñamos os datos de todas as granxas xa elaborados, dotarase a titulares da explotación ganadeira dun informe diagnóstico individualizado proporcionando alternativas dirixidas á redución dos consumos de enerxía e auga, co seu derivado impacto na redución de custos de produción.
A iniciativa forma parte do proxecto Formación para a consolidación das cooperativas agroalimentarias de Galicia, no marco do Programa Operativo de Inclusión Social e Economía Social, xestionado pola Confederación Empresarial Española da Economía Social (CEPES), que inclúe outros programas formativos: un busca a incorporación ao sector hortícola; outro, a incorporación ao sector de vacún leiteiro, e outro apoia a función xerencial nas cooperativas agroalimentarias. Conta coa cofinanciación do Fondo Social Europeo, mediante a convocatoria de subvencións dirixidas a entidades e empresas da economía social para o desenvolvemento de proxectos destinados á creación de empresas e entidades da economía social ou á mejora da competitividade e o apoio á consolidación empresarial das mesmas.
