- O 18 de abril a cooperativa Vitivinícola Arousá (Paco & Lola) acollerá a xornada “Da Terra ao liderado: mulleres cooperativistas que cambian o rumbo. Uso de dron en explotacións vitivinícolas”.
Os obxectivos da xornada son, por unha banda, introducir os fundamentos do uso de drons no sector vitivinícola, incluíndo tipos de equipos, sensores e plataformas de análises, e, por outra banda, mostrar aplicacións prácticas do uso de drons con precisión (detección de tensión hídrica, pragas, estado fenolóxico, mapeo do terreo etc.), así como os requisitos para a súa operación profesional.
Nun contexto global marcado por profundos desafíos sociais, económicos e ambientais, o modelo cooperativo emerxe como unha alternativa sólida baseada en valores de equidade, solidariedade e sustentabilidade. Neste escenario, o papel das mulleres no cooperativismo resulta non só relevante, senón imprescindible para impulsar transformacións reais e duradeiras.
Ao longo da historia, as mulleres foron motor de cambio dentro das cooperativas, liderando procesos de innovación social, fortalecendo economías locais e promovendo formas máis xustas de organización do traballo e a vida. Con todo, aínda persisten brechas de xénero que limitan a súa plena participación nos espazos de toma de decisións.
Nun mundo no que a tecnoloxía está a transformar o campo, esta xornada sobre o uso de drons na viticultura ofrece unha oportunidade única para coñecer como estas ferramentas poden a axudar a mellorar o coidado das viñas, optimizar tratamentos e facer un seguimento máis preciso de parcelas. O uso de drons demostrou un gran potencial en tarefas de monitorización, análise de cultivos, control fitosanitario e xestión de recursos naturais.
Así pois, esta xornada está destinada a entidades de mulleres rurais de ámbito nacional, para a realización de actividades de especial interese para impulsar o papel da muller no desenvolvemento rural. Realízase baixo unha convocatoria do Ministerio de Agricultura, Pesca e Alimentación.
Programa
09:50 h Recepción de asistentes.
10:00 h Tipos de drons. Sesión teórica sobre ouso de drons en viticultura
• David Blanco, CEO de BENIU
12:00 h Sesión práctica de voo de drons
• David Blanco, CEO de BENIU
13:00 h PAC en viticultura
• Emma Giráldez, técnica de viticultura de Viña Costeira, S. Coop. Galega
14:00 h Peche e conclusións
• Carlos Carrión, presidente Vitivinícola Arousana, S. Coop. Galega
| Organiza
|
||
Subvenciona |
||
| Colaboran | ||
 |
 |
 |
 |
