- No marco da colaboración entre AGACA e CaixaBank terá lugar o 25 de xaneiro en Santiago de Compostela esta xornada onde se exporán diferentes programas de axudas públicas.
- Expertos e responsables en programas e organismos de axudas públicas, investimentos e programas de incentivos explicarán as diferentes opcións que existen.
A xornada terá lugar no Hotel Eurostars San Lázaro da capital galega, entre as 09:15 e as 14:30 horas do xoves, 25 de xaneiro.
Haberá 7 relatorios sobre diferentes áreas de axudas:
> Investimentos en transformación e comercialización de produtos agrarios para o período 2014-2020.
> Liñas de apoio financeiro do Instituto Galego de Promoción Económica (IGAPE) a emrpedendores, circulante e investimentos.
> Programas de Axudas AGADER (Axencia Galega de Desenvolvemento Rural) relacionados con modernización empresarial e Grupos de Desenvolvemento Rural.
> Investimentos nas explotacións agrícolas, para a creación de empresas para os agricultores mozos e para a creación de empresas para o desenvolvemento de pequenas explotacións no marco do Programa de Desenvolvemento Rural (PDR) de Galicia 2014-2020.
> Programas de Incentivos á contratación de persoas desempregadas en diferentes modalidades.
> Programas de axudas da Subdirección Xeral de Economía Social para o emprego.
> Axudas do Programa de Desenvolvemento Rural (PDR) de Galicia 2014-2020: Medida de COOPERACIÓN, en canto a grupos operativos de innovación e proxectos piloto relacionados coa innovación agroforestal.
Pode consultar o programa completo (PDF) premendo “Documentación 1”.
