- O curso tivo lugar entre os días 18 e 21 de maio, con participación de alumnado e docentes de 4 países.
- O proxecto europeo GIG ECONOMY investiga vantaxes, inconvenientes e implicacións da economía gig, baseada en traballo temporal e/ou autónomo.
A semana pasada -do 18 ao 21 de maio- os socios do proxecto Erasmus+ “Entrando na Economía Gig” organizaron 3 xornadas de formación, todas elas dedicadas á economía Gig.
Os participantes, procedentes de Irlanda, España, Italia e os Países Baixos, aprenderon sobre a economía Gig, como posicionarse no mercado como traballador/a Gig e cales son as implicacións financeiras da economía Gig.
O primeiro día da semana de formación sobre a economía Gig comezou cun vídeo de introdución no que Joe English, do Consello do Condado de Meath, e Conor Patterson, de WIN Consultants -entidades socias do Proxecto en Irlanda- explicaron o concepto de economía Gig ou economía “dos traballos por encargo”.
[ot-video type=”youtube” url=”https://www.youtube.com/watch?v=KqNoFKsqgnU”]
Este vídeo tamén mostra consellos e suxestións de traballadores e traballadoras Gig, de diversos países, para aquelas persoas que entren neste mercado por primeira vez. Por parte de España, agradecemos a participación de Aleksandra Dmitrieva.
Marketing
O segundo día do programa de formación centrouse na creación de marca. Como comercializarse na economía Gig? O experto italiano Simone Bigongiari deu unha breve conferencia sobre o tema. Os freelancers Kety Faina, de Italia, e Chris Laurence, de Irlanda, compartiron os seus consellos e trucos.
[ot-video type=”youtube” url=”https://www.youtube.com/watch?v=lkPKq05m4tE”]
Finanzas
Cales son as implicacións financeiras da economía Gig nos diferentes países? Esta foi a pregunta central do último día da semana de formación sobre a economía Gig.
[ot-video type=”youtube” url=”https://www.youtube.com/watch?v=ohGHsGMsws8″]
No último vídeo, Ruth R Ferreiros, técnica de AGACA, explica as implicacións en España. Rory Carroll, traballador da economía Gig e participante na semana de formación, comparte os seus puntos de vista como gigger en Irlanda
AGACA forma parte do proxecto europeo Entrando na «Economía GIG» (ERASMUS+), que busca compartir, debater e desenvolver métodos efectivos para abordar os seus riscos e oportunidades. Outras entidades son o Concello de Vedra (Galicia – España), o Meath County Council e WIN Consultants (Irlanda), Formentica e Comune di Capannori (Italia), Friesland College e Learning Hub Friesland (Países Baixos)
Más información sobre el proyecto GIG ECONOMY en:
– Blog: https://es.enteringthegigeconomy.eu/blog
– Web: https://es.enteringthegigeconomy.eu/
