- Un grupo de estudantes do Centro Formación e Expertimentación de Agroforestal de Guísamo participou hoxe en Feiraco (Ames) nunha charla divulgativa, impartida AGACA.
- Visitaron tamén as instalacións da cooperativa.
- A actividade enmárcase na Rede Eusumo para o fomento do cooperativismo e a economía social, impulsada pola Consellería de Economía, Emprego e Industria.
Un grupo de estudantes do Centro de Formación e Experimentación de Agroforestal de Guísamo participou esta mañá nunha charla formativa sobre as oportunidades e vantaxes que presenta o cooperativismo como modelo de negocio no medio rural, co fin de que o teñan en conta como opción de emprendemento e desenvolvemento profesional unha vez rematen os seus estudos.
Ademais de tratar aspectos empresariais, a charla amosou a importancia social do modelo cooperativo en cuestións como a fixación de poboación ou a prestación de diversos servizos ás persoas asociadas a nivel laboral e tamén social. Os estudantes puideron coñecer varias experiencias de éxito no eido cooperativo, en diferentes sectores de actividade, tanto agroalimentarias como de consumo e servizos.
A actividade rematou co percorrido ás instalacións da cooperativa láctea Feiraco, para coñecer de primeira man os pormenores do funcionamento dunha entidade destas características.
Seis anos de actividades Rede Eusumo
Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, nacida no 2011.
Dende o ano 2012 a Fundación Feiraco funciona coma un dos “Centros Rede Eusumo” repartidos por toda Galicia que serven como espazo de dinamización do emprendemento cooperativo.
