AGACA e AGROSMARTglobal lanzan un servizo de consultoría para internacionalización dixital

Agaca
Por Agaca Xuño 10, 2021 14:55

ACTIVIDADES

Xuño 2021

REVISTA AGACA

  • Cooperación Galega Nº 153 Maio 2021

    — Editorial: Manifestación de interese
    — A Fondo: Está Galicia promovendo efectivamente a integración das cooperativas galegas?
    — Caderno Técnico: – O uso do bagazo de cervexa nas explotacións leiteiras / – Recuperar trigo autóctono para a IXP Pan Galego

    Ver Online Ver Todas Hemeroteca

Como parte clave para o cumprimento dun dos obxectivos do Programa AGROSMARTglobal presentamos a continuación un servizo, dispoñible para as cooperativas/ empresas do sector agroalimentario participantes, de análise e consultoría en Ecommerce internacional, que permita o desenvolvemento de estratexias personalizadas e individuais, en función das características concretas de cada empresa.

O servizo está baseado na recompilación de datos concretos da empresa, a análise de mercado e dos seus competidores e a elaboración dun modelo de recomendacións personalizadas para cada empresa, tanto en estratexias B2B (de empresa a empresa) como B2C (de empresa a consumidor).

O obxectivo do servizo de consultoría técnica e asesoramento estratéxico, é documentar as posibilidades reais de éxito no desenvolvemento de diferentes estratexias de comercio electrónico, tanto nacionais como internacionais, para a empresa analizada e propoñer unha estratexia de execución realista e adaptada á estratexia de internacionalización concreta de cada empresa e dos seus mercados obxectivo.

FASES DEL SERVIZO:
• Realización dun diagnóstico de madurez dixital da empresa, a través da ferramenta de diagnóstico que estará proximamente dispoñible (á que poderán acceder as entidades que conten coas credenciais necesarias).

• Reunión (por videoconferencia) de toma de contacto coa empresa, onde se aclarará / completará a información recibida pola empresa.

• Análise de mercado e de competidores con ferramentas de intelixencia competitiva.

• Modelo de recomendacións personalizadas en función dos datos achegados pola empresa.

• Axuste e/ou ampliación do informe de consultoría.

• No documento dispoñible en pdf poderán atopar un índice de contidos e algúns exemplos de servizos que a empresa pode contratar (con RRHH internos ou externos) para a execución da súa estratexia.

• Así mesmo, no AGROLAB poden consultar a “Guía de factores clave para la internacionalización digital”, que forma parte do presente servizo.

Partenariado do proxecto AGROSMARTglobal

AGROSMARTglobal é un proxecto europeo cofinanciado polo Programa InterregSudoe 2014-2020 dentro do eixe prioritario de fomentar a competitividade e a internacionalización das pemes del Sudoeste europeo. Conta cun presuposto total de 1.598.000,00 € e está cofinanciado, nun 75% polo Fondo Europeo de Desenvolvemento Rexional (FEDER).

As dez rexións do espazo europeo  SUDOE que abarca o proxecto son: en España: Galicia, Castela-A Mancha, País Vasco e A Rioxa; en Francia: Nova  Aquitania e, en Portugal:  Norte, Algarve, Centro, Lisboa e  Alentejo.

Ata o 30 de setembro de 2022, dez entidades beneficiarias de dez rexións europeas dedicarán esforzos a precisar sinerxías e potencialidades. O consorcio internacional está conformado por, dende España: Asociación Galega de Cooperativas Agroalimentarias-AGACA (encargada de liderar o proxecto), Cooperativas Agro­alimentarias Castilla- La Mancha, Federación de Cooperativas de Euskadi,  Cámara Oficial de Comercio, Industria y Servicios de La Rioja e AMVOS Digital; dende Francia, por: Association des Régions Européennes des Produits d’Origine-AREPO, Coop de France Aquitaine y Chambre de Commerce et d’Industrie Bayonne Pays Basque, e, dende Portugal, por: Universidade de Trás-os-Montes e Alto Douro e Confederação Nacional de Cooperativas Agrícolas e do Crédito Agrícola de Portugal.

+ información do proxecto en www.agrosmartglobal.eu

10/06/2021

Agaca
Por Agaca Xuño 10, 2021 14:55
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

<