- A xornada “Innovación e economía circular no sector agroalimentario galego: oportunidades a partir de subprodutos” terá lugar o 30 de abril de 2026, de 09:30 a 14:30 h online.
- É gratuíta pero é necesario inscribirse para participar, cubrindo este formulario.
AGACA imparte a xornada “Innovación e economía circular no sector agroalimentario galego: oportunidades a partir de subprodutos” con tres obxectivos principais. Dunha banda, persegue promover a economía circular no sector agroalimentario, fomentando a valorización de subproductos e residuos como fonte de novas oportunidades de negocio e diversificación produtiva. Doutra, busca impulsar a dinamización económica e a xeración de emprego no medio rural, mediante a difusión de iniciativas innovadoras e novas cadeas de valor no sector agroalimentario. Finalmente, con esta xornada, como parte do ciclo de xornadas de competitividade, AGACA pretende fomentar a colaboración entre cooperativas, empresas, centros de coñecemento e administracións, poñendo en valor o modelo cooperativo como motor de innovación, sustentabilidade e competitividade territorial.
Así pois, a xornada é de especial interese para persoal técnico e persoas que ocupen cargos directivos en cooperativas agroalimentarias ou outras entidades da economía social, como poden ser membros de consellos reitores ou da xerencia, alén de para mulleres e persoas de 18 a 35 anos socias de cooperativas.
- Lugar: online.
- Día e horario: 30 de abril de 2026, de 09:30 a 14:30 h.
PROGRAMA PREVISTO
09:30 h – Conexión y bienvenida a participantes. Presentación del marco introductorio de la jornada
Carlos Ares. Director xerente de AGACA.
09:45 h – Oficina de Economía social
• Asesoramento personalizado
• Formación especializada
• Proxectos colaborativos
• Acceso a financiamento
Benito Blanco. Oficina de Economía Circular Industrial (Dirección Xeral Calidade Ambiental e Sostibilidade. Consellería de Medio Ambiente e Cambio Climático)
10:30 h – Proxecto GRAPPA: valorización de subprodutos agroalimentarios en Galicia
• Uso de subprodutos do sector agroalimentario
• Desenvolvemento de ingredientes funcionais
• Innovación na bioeconomía alimentaria
• Oportunidades industriais para Galicia
Perla Ferrer. Clúster Alimentario de Galicia, Clusaga
11:10 h – Proxecto Blood4Goods: aproveitamento de subprodutos da industria cárnica
• Valorización de sangue de matadeiro
• Impacto en redución de residuos
• Novas cadeas de valor
Rosa Navarrete. Herogra
11:50 h – Descanso
12:10 h – Proxecto CAC: economía circular en cooperativas do sector lácteo
• Agricultura e mitigación do cambio climático
• Captura de carbono en solos agrícolas
• Boas prácticas agrarias
• Medición e certificación do carbono
• CRF. Mercado voluntario de créditos de carbono UE
Francisca Gago. Subdirectora de Relacións cos Grupos de Desenvolvemento Rural. Axencia Galega de Desenvolvemento Rural.
12:50 h – Compostaxe con desperdicios alimentarios
• Xeración de valor nas explotacións
Víctor Boga. Cooperativa Finca Mel Orgánica
13:30 h – Proposta dun modelo circular na xestión de xurros
• Contexto e problemática
• Enfoque de economía circular en xurros
• Tecnoloxías e solucións
• Modelos de negocio circular
César Iglesias. Director Xeral Fundación INFIAR
14:10 h Preguntas e aclaracións
14:20 – 14:30 h. Conclusións e clausura da xornada
Carmen Rodríguez. Presidenta de AGACA
Esta actividade enmárcase no programa da Rede Eusumo. A Rede Eusumo é unha rede de colaboración impulsada pola Dirección Xeral de Traballo Autónomo e Economía Social, da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.
