A carne de vacún nas súas horas máis baixas

NOTA DE PRENSA: Cooperativas Agro-alimentarias de España

• O sector sen axudas directas afúndese, incapaz de recuperarse do impacto da pandemia da covid-19.

Octavio Gonzalo
Presidente do sector Vacún de Carne
Cooperativas Agro-alimentarias de España

Dende o sector vacún de carne de Cooperativas  Agro-alimentarias de España trasladamos á Dirección Xeral de Producións e Mercados Agrarios a preocupante situación e propuxémoslle unha serie de medidas que poderían axudar a mellorar o marco actual.

Entre elas atópanse a solicitude á Comisión Europea de medidas de mercado, como as axudas para resolver problemas de mercado específicos, contempladas no artigo 221 do Regulamento 1308/2013 de  OCM Única, que xa foron habilitadas para apoiar ao vacún irlandés; medidas de axuda á promoción nacional e exportación, e outras para potenciar unha reestruturación sostible do sector vacún de carne en España.

O sector vacún de carne de Cooperativas  Agro-alimentarias de España está profundamente preocupado pola crise que atravesa incapaz de recuperarse do impacto da pandemia da covid-9.

O sector xa alertou no mes de marzo, co estalido da pandemia, das importantes implicacións que esta crise tería para o vacún de carne e agora asistimos pesarosos a unha situación que se prolonga no tempo, e que non ten  visos de mellorar nos próximos meses.

Tras o impacto inicial da pandemia nos meses de abril e maio, parece que ningunha das ferramentas postas en marcha polo sector, como o estímulo da exportación de carne e en vivo, o desenvolvemento de canles de venda online, a potenciación das campañas de promoción do consumo en fogares etc., tiveron un efecto suficiente sobre os prezos de referencia. Tampouco as medidas de mercado implementadas pola Comisión Europea (axudas ao almacenamento privado) foron o suficientemente útiles para deter a perda de valor continuada que arrastra ao sector cara a unha situación insostible. Así mesmo, o sector bota de menos non contar con axudas nacionais específicas para o vacún de carne, tal e como as recibiron outros sectores gandeiros tamén profundamente afectados, que lles permitiron mellorar a súa situación no mercado.

A diminución das exportacións en vivo e de carne durante os meses de verán, unida á escaseza de turistas e o declive progresivo do sector hostaleiro, constata unha situación preocupante na demanda de carne de vacún, moi necesitada do aliñamento positivo destes factores para o seu  statu quo. Dende o mes de febreiro ata setembro de 2020 produciuse, segundo os datos manexados por Cooperativas Agro-alimentarias de España, unha perda de prezo de máis do 10% do valor da canal, sen previsións de mellora inmediata.

Cooperativas  Agro-alimentarias de España está en contacto cos seus representantes europeos, para trasladar tamén en Bruxelas esta preocupación e as súas propostas de acción.

25/09/2020