- O alumnado do CEIP A Cristina (Carballo) participou en “Almorzos Cooperativos”, un obradoiro de nutrición e cooperativismo organizado pola Asociación Galega de Cooperativas Agroalimentarias (AGACA).
Cincuenta e un estudantes de terceiro e cuarto de primaria do colexio carballés A Cristina, participaron esta mañá en “Almorzos Cooperativos”, unha actividade que promove a alimentación sa para manter a boa saúde e enfatiza o rol das cooperativas na produción alimentaria. AGACA organiza a actividade no marco da Rede Eusumo.
A nutricionista María Fernández explicou as propiedades nutricionais de varios alimentos e como combinalos en almorzos equilibrados; como exemplo, nenos e nenas degustaron un almorzó con froita, pan con aceite e leite.
O concepto de coperativismo explicouse mediante xogos deseñados para promover a colaboración entre participantes. Para reforzar o aprendido repartiuse material didáctico sobre produción alimentaria e nutrición.
Microrrelatos
Por outra parte, AGACA e Rede Eusumo promoven concurso de microrrelatos dirixido a escolares de segundo ciclo de primaria. O seu obxectivo é fomentar a escritura e o interese polo cooperativismo e pola produción de alimentos, a agricultura e o medio rural. Os centros educativos públicos de Galicia interesados en participar poden consultar as bases aquí ou chamar ao 981 584 783.
Rede Eusumo
Esta actividade se enmárcase no programa de actuación 2019-2020 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Traballo, Migracións e Seguridade Social.
