- O campus lucense da Universidade de Santiago acolle o venres 18 unha xornada dirixida a persoas interesadas no sector agrario. Centrarase nos custos de produción de leite de vacún.
- O aforo é limitado polo que cómpre inscribirse previamente.
O seminario comezará ás 9h, desenvolvendo a temática do papel das organizacións de produtores. Intervirán a técnico de AGACA en calidade de innovación alimentaria María Rey, o director xerente do LIGAL, Roberto Lorenzana; os responsable de xestión técnico – económica de explotacións das cooperativas Os Irmandiños (Rubén García) e CAP da Coruña (Juan Freire); o técnico da área de xestión de SERAGRO, Gonzalo Gómez, e o técnico de Unións Agrarias, Álvaro García.
O seguinte relatorio centrarase nas actuacións que se están a desenvolver na cornixa cantábrica, da mand de César Resch (CIAM Mabegondo), Francisco Sineiro (USC), José A. Pérez e Antonio Álvarez (Uninovi) e Ibán Vázquez (CIFA).
Á tarde, entre as 16:00 e as 19:00, haberá dúas charlas e un debate: “Os novos elementos tecnolóxicos”, da man de Ramiro Fouz (Africor) e Xan Rodríguez (Alltech), e”Cara onde innovar”, onde Roberto Lamas, da área de Xestión e valorización de I+D+i/inv da Univesidade de Santiago presentará Grupos Operativos de Innovación supra autonómicos.
A xornada encádrase no Plan de transferencia para o apoio ás actividades de demostración e de información ao agro galego 2016, cofinanciadas co 75% FEADER.
O lugar de celebración é o Salón de Actos do Edificio Cactus do campus de Lugo da Universidade de Santiago.
As persoas interesadas en asistir deben inscribirse antes das 14:00h do 17 de novembro. Pode facerse presencialmente na Oficia Agraria Comarcal de Lugo e na conserxería EPS-USC (campus universitario), por fax no 982 294937 ou por correo electrónico: oac.seca.lugo@xunta.gal.
El programa de la jornada se puede consultar en “Documentación 1”
