— Froitos secos en Galicia: do campo ao mercado

• O 2 de xullo terá lugar a undécima sesión do ciclo 2026 Xornadas formativas sobre oportunidades de negocio, co título “Froitos secos en Galicia: do campo ao mercado”.
• A inscrición é gratuita. Para inscribirse é necesario completar este formulario.

A sesión, gratuíta, terá lugar online, pero é necesario inscribirse previamente neste formulario.

Galicia presenta condicións edafoclimáticas en progresiva adaptación ao cultivo de froitos secos, nun contexto de cambio climático e crecente demanda de produtos locais e saudables. Aínda que non existen rexistros de plantacións intensivas na contorna galega, esta xornada explora as posibilidades reais de implantación de pistacho, noz, améndoa, abelá e outras especies, analizando a cadea de valor completa: do cultivo á comercialización.

Programa

BLOQUE I.  APERTURA E CONTEXTO TÉCNICO. 09:30 – 10:30 h

09:30 – Conexión e benvida a participantes. Presentación da xornada
Carlos Ares. Director-xerente de AGACA
09:45 – Froitos secos no norte peninsular: ten Galicia condicións para producilos?
Dr. Santiago Pereira Lorenzo – Catedrático de Produción Vexetal – Campus Terra USC Lugo

BLOQUE II.  AS ESPECIES: AGRONOMÍA E ENSAIOS. 10:30 – 11:50 h

10:30 – O pistacheiro: comportamento varietal e manexo técnico en zonas de transición climática
Fernando Mañas Jiménez – Responsable do SIAL – ITAP, Albacete
11:10 – Nogueira, abeleira e amendoeira: resultados experimentais e criterios de elección de especie
Dr. Octavio Arquero Quílez – Técnico Especialista – IFAPA Centro Alameda del Obispo (Córdoba)

12:10 – 12:20 – Desanso

BLOQUE III. IMPLANTACIÓN AGRONÓMICA EN GALICIA. 12:20 – 12:50 h

12:20 – Como establecer unha plantación de froitos secos en Galicia: solo, espazo e manexo
Christian Bernhard – Especialista en conservación botánica en Galicia

BLOQUE IV. TRANSFORMACIÓN, VALOR ENGADIDO E COMERCIALIZACIÓN. 12:50 – 14:10 h

12:50 – Do froito seco a produto final: procesado, calidade e oportunidades de diferenciación
Dr. Santiago Pereira Lorenzo – Catedrático de Produción Vexetal – Campus Terra USC Lugo
13:30 – Como vender froitos secos: mercados, prezos, canles e condicións reais de acceso
Pedro Álvarez – Dpto. desenvolvemento forestal de Frutos Secos El Nogal

PECHE DA XORNADA. 14:10 – 14:30 h

14:10 – Mesa aberta de debate: preguntas e comentarios
14:25 – Conclusións e peche da xornada
Carmen Rodríguez. Presidenta de AGACA

XORNADAS FORMATIVAS SOBRE OPORTUNIDADES DE NEGOCIO

Os obxectivos do ciclo, que explorará diferentes sectores que poden supoñer oportunidades de negocio son: explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado; promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio; impulsar a xeración de emprego cooperativo nos procesos de produción agraria e/o gandeira e fomentar a fixación de poboación no rural na contorna das cooperativas.

As xornadas, de acceso libre previa inscripción, están especialmente dirixidas a persoas socias de cooperativas agroalimentarias, persoas vinculadas á economía social, produtoras e produtores agrarios, persoal técnico e investigador, estudantes e público en xeral.

Para más información pode chamar ao 981 58 47 83.

Esta actividade enmárcase no programa da Rede Eusumo. A Rede Eusumo é unha rede de colaboración impulsada pola Dirección Xeral de Traballo Autónomo e Economía Social, da Consellería de Emprego, Comercio e Emigración para o fomento do cooperativismo e a economía social que conta co financiamento do Ministerio de Traballo e Economía Social.