- O 27de marzo terá lugar a quinta sesión do ciclo 2026 de Xornadas formativas sobre oportunidades de negocio, dedicada á produción e comercialización de cogomelos.
- A inscrición é gratuíta. Para inscribirse é necesario completar este formulario.
O 27 de marzo de 2026 terá lugar a xornada ‘Produción e comercialización de cogomelos en Galicia’, de 09:30 a 14:30 horas. Detallaranse diferentes técnicas e modelos produtivos (en tronco, en substrato ou en ecolóxico, por exemplo) ademais dunha introdución á comercialización, da man de profesionais do sector.
A sesión, que é gratuíta, celebrarase en liña, pero é necesario inscribirse previamente neste formulario.
Programa previsto
09:30 – Conexión e benvida a participantes. Presentación dos obxectivos da xornada
Higinio Mougán. Adxunto á Presidencia de AGACA
10:00 – Técnicas de cultivo de cogomelos en substratos: materiais e instalacións necesarios
Xesús Graña. Hifas da Terra
11:00 – Técnicas de cultivo de shiitake en troncos
Xesús Graña. Proxecto Fungos da Cova
12:00 – Descanso
12:10 – Primeiros pasos no negocio dos cogomelos
Ángeles González. Productora Shiitake Trives
13:00 – Produción de cogomelos no marco dun proxecto integral
Loli González. Vida Circular
13:40 – Experiencia de produción de shiitake en ecolóxico
Jesús López. Shiifos
14:10 – Conclusións e peche do programa
Carmen Rodríguez. Presidenta de AGACA
14:30 – Fin da xornada
JORNADAS FORMATIVAS SOBRE OPORTUNIDADES DE NEGOCIO
O ciclo, que explorará diferentes sectores que poden supor oportunidades de negocio, ten como obxectivos: explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado, promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio, impulsar a xeración de emprego cooperativo nos procesos de produción agraria e/ou gandeira e fomentar a fixación de poboación no rural na contorna das cooperativas.
As xornadas, de acceso libre previa inscrición, están especialmente dirixidas a persoas socias de cooperativas agroalimentarias, persoas vinculadas á economía social, produtoras e produtores agrarios, persoal técnico e investigador, estudantes e público en xeral.
Para máis información pode chamar ao 981 58 47 83.
Esta actividade enmárcase no programa de actuación 2026 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego e Relacións Laborais da Consellería de Emprego, Comercio e Emigración para o fomento do cooperativismo e da economía social, que conta co financiamento do Ministerio de Traballo e Economía Social.
