RESUMO ELABORADO POR AGACA
Pode consultar/descargar este resumo da ORDE en “Documentación” (formato PDF en galego) e consultar a ORDE completa na ligazón “web”.
— ORDE do18 de xullo de 2025 pola que se establecen as bases reguladoras e se fai pública a convocatoria para a concesión, en réxime de concorrencia competitiva, dos premios do Comercio galego 2025. Consellería de Emprego, Comercio e Emigración. DOG 162 (26/08/2025)
OBXECTO
Esta orde ten por obxecto establecer as bases que rexen os premios do Comercio galego, co obxectivo de recoñecer o labor dos/das profesionais do sector comercial e contribuír á súa difusión como panca para o desenvolvemento económico e social das vilas e cidades.
O procedemento de concesión destas subvencións tramitarase en réxime de concorrencia competitiva.
Código de procedemento: IN214C
PERSOAS BENEFICIARIAS
| Categoría Premio | Características | Requisitos |
|---|---|---|
| Comercio Galego 2025 Premio: 5.000 € | Recoñecemento ao establecemento comercial que exemplifique os valores do comercio de proximidade mediante a implantación dun modelo de negocio moderno, competitivo e adaptado a novos retos. | Comerciantes retallistas que desenvolvan a actividade comercial en Galicia |
| Comercio Traxectoria 2025 Premio: 3.000 € | Recoñecemento ao comercio con longa traxectoria que pola súa permanencia crease un vínculo especial coa súa vila. | Comerciantes retallistas con antigüidade mínima de 30 anos. |
| Comercio Emprende 2025 Premio: 3.000 € | Recoñecemento ao establecemento comercial novo que ofreza unha experiencia de compra diferenciada. | Comerciantes retallistas con antigüidade entre 2 e 4 anos. |
| Comercio Dinamización 2025 Premio: 5.000 € | Recoñecemento á mellor iniciativa de dinamización comercial nos últimos 3 anos. | Asociacións e federacións de comerciantes retallistas e asociacións de vendedores das prazas de abastos. |
| Comercio Sostible 2025 Premio: 3.000 € | Recoñecemento á mellor iniciativa de promoción do consumo responsable e sustentable. | Comercios retallistas e asociacións e federacións de comerciantes retallistas e asociacións de vendedores das prazas de abastos |
CRITERIOS DE AVALIACIÓN
| Premio | Punt. máxima | Criterio |
|---|---|---|
| Comercio Galego 2025 | 60 puntos | Identidade de marca comercial: ata 20 puntos Modelo de xestión comercial: ata 20 puntos Transición sustentable: ata 20 puntos |
| Comercio Traxectoria 2025 | 80 puntos | Identidade de marca comercial: ata 20 puntos Modelo de xestión comercial: ata 20 puntos Transición sustentable: ata 20 puntos Traxectoria comercial: ata 20 puntos |
| Comercio Emprende 2025 | 60 puntos | Identidade de marca comercial: ata 20 puntos Modelo de xestión comercial: ata 20 puntos Transición sustentable: ata 20 puntos |
| Comercio Dinamización 2025 | 20 puntos | Campañas de dinamización e fidelización: ata 20 puntos. |
| Comercio Sostible 2025 | 40 puntos | Campañas de dinamización e fidelización: ata 20 puntos. Fomento do consumo sustentable: ata 20 puntos. |
PRAZO DE SOLICITUDE
O prazo de presentación de solicitudes irá dende o 27 de agosto ata o 29 de setembro de 2025.
